Кэбээйигэ алимены төлөөбөтөх дьахтар 10 ыйга булгуччулаах үлэҕэ бириигэбэрдэннэ

Кэбээйи оройуонун суут бириистэптэригэр 38 саастаах олохтоох дьахтар эпиэкэҕэ иитилэр 5 оҕотугар алимены төлөөбөтөҕүнэн дьыала көбүтүллүбүт.

Улахан кыыһыгар дьахтар иэһэ 400 тыһыынча солкуобай буолбут. Атын оҕолоругар дьахтар суут быһаарыытынан ый аайы 3-түү тыһыынча солкуобайы ыытыахтаах эбит.

Дьахтар суут эбэһээтэлистибэлэрин толорботоҕунан, суут бириистэптэрин сулууспатын дознавателэ холлуобунай дьыала тэрийбит. Суут элбэх оҕолоох ийэни буруйдааҕынан билиннэ уонна 10 ый устата көннөрүнэр үлэлэргэ тардарга, судаарыстыба дохуотугар хамнаһын 10%-нын тутан ыларга анаата, диэн Саха сиринээҕи суут бириистэптэрин пресс-сулууспата суруйар.