Хаартысканы Марта Николаева тиксэрдэ
Кэбээйи улууһугар буойун учуутал И.Е.Левин аатынан Танара орто оскуолатыгар улуус таһымнаах икки тэрээһин буолла.
Ол курдук, биир дойдулаахтара, хорсун буойун Афанасий Иванович сырдык аатыгар Дьоруой паартатын арыйдылар, стендэтин туруордулар.
Эбиэт кэннэ «БАСХАН-2025» уолаттарга аналлаах дьыалабыай оонньуу ыытылынна. Манна барыта 8 уол кытынна: Баҕадьаттан -3, Мастаахтан -2, Танара оскуолатыттан -3 уол.
Уолаттар бу күрэххэ удьуордарын кэпсээтилэр, өрөспүүбүлүкэбит, дойдубут түс-бас дьоннорун билиһиннэрдилэр, өркөн өйгө күрэхтэстилэр, куолулуурга, мөккүһэргэ холоннулар, оннооҕор хоһоон тута айан сөхтөрдүлэр. Дьэ, бу элбэх бэлэми эрэйэр, уол оҕону тургутар күрэх буолан биэрдэ.
Күрэх түмүгүнэн Кылаан чыпчаал аатын — Баҕадьа сүрүн оскуолатын 8 кылааһын үөрэнээччитэ Докторов Сахаян сүктэ уонна 5000 суумалаах сэртипикээтинэн (үбүлээччи олохтоох дьаһалта, баһылык Н.И.Левин) наҕараадаланна. 1 үрдэл — Левченко Юра (3000 солк.), 2 үрдэл — Михайлов Богдан (Баҕадьа оскуолатын 8 кылааһын үөрэнээччитэ, 2000 солк.), 3 үрдэл — Михайлов Вадим (Баҕадьа оскуолатын 8 кылааһын үөрэнээччитэ, 1000 солк.) буоллулар.
Маны таһынан уолаттарга анал ааттар туттарылыннылар: Винокуров Васяҕа — «Өркөн өй басхана», Левченко Юраҕа — «Ылыннарыылаах тыл басхана», Алексеев Дуолаҥҥа — «Ураты көрүүлээх басхан».
Миэстэлэспит оҕолорго харчынан Мукучу эр дьонун түмсүүтэ көмөлөстө. Маны таһынан, эр дьоннор ааттарыттан Левченко Юраҕа анал бириис туттарылынна.
Күрэҕи көрөн, олус сэргээн, «Дабаан» хаһыат сүрүн редактора Анна Гаврильевна Ионова бэлиэтии көрбүт уолаттарыгар Левченко Юраҕа уонна Докторов Сахаяҥҥа анал бирииһин туттарда.
Бу улуус тэрээһинин ыытарга күүс-көмө буолбут олохтоох дьаһалтаҕа уонна эр дьон түмсүүлэригэр Танара орто оскуолатын аатыттан махтаналлар.
Бу күрэҕи оскуола эр дьонноро иилээн-саҕалаан ыыттылар.
Күрэҕи кэлэн дьүүллээбит Тойон сүбэҕэ: Эверстов Е.П., Андросов Н.А., Саввинов А.И., Борисов А.В. үлэлээтилэр. Кыттыбыт уолаттарга, салайааччыларыгар нэһилиэк дьоно махтанар.
Марта Николаева
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …