Кэбээйигэ борокуратуура ирдэбилинэн Өлүөнэ эбэҕэ сыбаалка хомулунна

Социальнай ситимнэринэн тарҕаммыт иһитиннэриинэн, Кэбээйи оройуонун борокуратууратын көһө сылдьар хамыыһыйатынан Өлүөнэ өрүс кытылыгар бэрэбиэркэ ыытылынна.

Түмүгэр Өлүөнэ өрүс кытылыгар 416 кв.м. иэннээх сиргэ көҥүлэ суох араас тимиртэн, тутуу уонна бытовой матырыйааллартан бөх-сыыс сыбаалката көҥүлэ суох тэриллибитэ быһаарыллыбыт.

Борокуратуура Сангаар бөһүөлэгин дьаһалтатын көҥүлэ суох сыбаалкаҕа ыһыллыбыт кытаанах тобохтору хомуйарга модьуйда. Ылыллыбыт тэрээһиннэринэн сыбаалка хомулунна, диэн СӨ Борокуратууратын пресс-сулууспата суруйар.