Кэбээйигэ — Кыайыы Оһуокайа

2026 сылга Кэбээйи улууһугар Олоҥхо ыһыаҕа ыытыллар. Манан сибээстээн Мукучу  сэлиэнньэтин  баһылыга Николай Иванович Левин быһаччы ыҥырыытынан, Кэбээйи улууһун култууратын уонна духуобунаһын итиэннэ  үөрэҕирии управлениетын өйөөһүннэрэн, Мукучуга Дьокуускай куораттан геокультура институтун үлэһиттэрэ С.Адамова, Р.Васильев, Олоҥхо театрыттан В.Стручков кыттааһыннаах сэминээр  үрдүк таһымнаахтык саҕаланна.

Иискэ, сахалыы аһы бэлэмнээһиҥҥэ, олоҥхоҕо маастар-кылаастары сэргэ, мин Оһуокай өрөспүүбүлүкэтээҕи  түмсүүтүттэн кытынным. Кэбээйилии Оһуокай биир уратытынан, хас да улуус холбоспут буолан, Сэбээн Күөлтэн сээдьэни Александра Афанасьева, Баҕадьаттан учуутал Мария Михайлова үөрэнээччилэринээн кэлэн бүлүүлүү оһуокайы таһаардылар. Маастар-кылааска сүүстэн тахса киһи кытынна. Манна биир үчүгэйэ диэн, үөрэнээччилэр кыттыһан, улахан түһүлгэни төрүттээтилэр.

Мукучутааҕы музыкальнай оскуола үлэһитэ Оксана Иванова кэбээйилии наскыччы, налыччы, өттүгүнэн хамсаныы оһуокайын таһаарда. Хореограф Александра Харлампьева Кэбээйигэ төрүт культураны үөрэтээччи, РФ култууратын үтүөлээх үлэһитэ Савелий Николаевич Тимофеевтан табалаах сахалар сыдьааннара буоларбытынан, хамсаныыта уратытын көрдөрдүлэр, уу долгунун тэтиминэн уратылаах эбит. Олоҥхо ыһыаҕар бэлэмнэнии күүһүн ылан эрэр.

Марта Николаева