Ил Дархан, бырабыыталыстыба пресс-сулууспата.
Кэбээйи сэлиэнньэтигэр Оҕо сайдыытын киинэ — «Мичээр» уһуйаан саҥа дьиэтэ тутуллан үлэҕэ киирдэ. Бу 140 миэстэлээх, 2 этээстээх, 1600 кв.м. иэннээх саҥа дьиэ Кэбээйи нэһилиэгин үс уһуйаанын холбоото. Бу уһуйааннар эргэ мас дьиэлэргэ үлэлии олорбуттара.
Саҥа уһуйаан аныгылыы көстүүлээх, хаачыстыбалаах миэбэлинэн, анал тэриллэринэн хааччыллыылаах, куукуналаах, аактабай, спортивнай саалалардаах.
Үөрүүлээх аһыллыы кэмигэр оҕолор талааннарын көрдөрөн, ыллаатылар-туойдулар ,үҥкүүлээтилэр, төрөөбүт тылларынан чобуотук хоһоон аахтылар.
Бу тэрээһиҥҥэ бырабыыталыстыба бэрэссэдээтэлин солбуйааччы Анатолий Семенов кытынна.
— Саҥа дьиэҕэ оҕолору сайыннарарга үчүгэй усулуобуйа тэрилиннэ. Тыа сиригэр эдэр төрөппүттэри олохсутарга, төрөөһүнү элбэтэргэ маннык аныгылыы уһуйааннар, оскуолалар тутуллан иһиэхтэрэ, — диэн кини эттэ.
Кини этэринэн, быйыл Кэбээйи улууһун Мукучу нэһилиэгэр 275 миэстэлээх саҥа оскуола дьиэтэ тутуллубута.
2024 сылга өрөспүүбүлүкэҕэ сэттэ саҥа оскуола, түөрт эбии тутуу, үс оскуола-уһуйаан, түөрт уһуйаан тутуллубуттара. 2025 сылга 10 үөрэх тэрилтэтин эбийиэгин тутар былаан баар. Үөрэх кыһалара «Ыччат уонна оҕолор» саҥа национальнай бырайыак чэрчитинэн тутуллаллар.
Ил Дархан, бырабыыталыстыба пресс-сулууспата.
Саха сиригэр анал байыаннай дьайыы кыттыылаахтарын дьоруойдуу быһыыларын үйэтитэр сыаллаах мемориальнай комплекс бырайыагын оҥорууга архитектурнай…
2025 сыл саҕаланыаҕыттан Саха сириттэн 50 массыынаны анал байыаннай дьайыыга тиэртилэр. Тиэхиникэни кытта байыастарга чугас…
Кулун тутар 20 күнүгэр Дьокуускайга «Үлэ кыбаартала» креативнай кластерга «Туристический код моего района» куонкурус финала…
ИДЬМ сулууспатын дьуһуурунай чааһыгар олохтоох дьахтар нуорка бэргэһэтин уорбуттарын туһунан тыллаабыт, диэн ИДьМ пресс-сулууспата иһитиннэрэр.…
СӨ үөрэҕириитин үтүөлээх үлэһитэ, РФ уопсай үөрэхтээһинин бочуоттаах үлэһитэ М.К.Петрова аатынан, Аҕа дойду Улуу сэриитигэр…
Саха сирин биллэр судаарыстыбаннай диэйэтэлэ Гаврил Иосифович Чиряев 100 сылыгар аналлаах тэрээһиннэрин былаанын чэрчитинэн Мииринэйгэ…