Кэбээйигэ Олоҥхо ыһыаҕын волонтердарын экипировкатын билиһиннэрдилэр

2026 сылга Кэбээйи улууһугар ыытыллыахтаах Олоҥхо ыһыаҕын волонтердарын экипировкатын билиһиннэрдилэр. Таҥастары Ил Дархан гранын суотугар «Зажигаем добро» бырайыак иитинэн оройуон дьаһалтата кыттыһан оҥоттородо диэн СӨ Ил Дарханын уонна бырабыыталыстыбатын дьаһалтатын пресс-сулууспата иһитиннэрэр.

120 волонтерга барыларыгар шортиктаах, футболкалаах, бүрүүкэлээх, бомбердаах, панамалаах, дождевиктаах, кроссовкалаах уонна үрүксээктээх нобуордары туттарыахтара.

Волонтердар кииннэрэ Ил Дархан быйылгы гранын 67 кыайыылааҕыттан биирдэстэринэн буолар. Киин 2 065 400 солк. кээмэйдээх үбүлээһини ылла. Олоҥхо ыһыаҕа ыытыллар кэмигэр волонтердар араас хайысхалаахтык үлэлиэхтэрэ: сири-уоту көрүү-истии, кыттааччылары арыаллааһын, култуура былаһааккаларыгар үлэ уонна тим-лидердар нөҥүө координация.

Сиһилии: https://www.sakha.gov.ru/news/16897