«Табыс» бэстибээл ыытыллара икки нэдиэлэттэн кыра кэм хаалла. Бу бэстибээл ыччат ыһыаҕын үгэһин салгыыр биир сүрүн тэрээһинэ буолар. Ыччат ыһыаҕа өрөспүүбүлүкэҕэ 1991 сылтан ыытыллар. Быйыл бэстибээл бэс ыйын 6-8 күннэригэр Кэбээйи улууһун Кэбээйи нэһилиэгэр «Уһун күн» алааска ыытыллыаҕа.
«Табыс» диэн тыл таптаа, алҕаа, байыт ытык сиргин диэн суолталаах. Тэрээһин үтүө үгэһи үйэтитэргэ, ыччаты дойдуга бэриниилээх буолууга иитэргэ туһуланар. Тэрээһин кыттааччыларынан өрөспүүбүлүкэ улуустарын, куорат уокуруктарын ыччата, ону сэргэ ыччат уопсастыбаннай түмсүүлэрэ буолуохтара. Бу күннэргэ Кэбээйи улууһугар бэстибээл ыытыллыахтаах сиригэр трибуналары, суунар дууштары, туалеттары тутууга субуотунньуктар ыытыллаллар. Тэрээһин кыттааччылара күҥҥэ үстэ аһылыгынан хааччыллыахтара.
Тэрээһиҥҥэ туруоруллар бириистэр пуондалара быһаарыллыбыт. Ол курдук, улуустар икки ардыларынааҕы күрэхтэһии сүрүн бирииһинэн «УАЗ» массыына буолар. Уопсастыбаннай түмсүүлэр икки ардыларыгар сүрүн бириис — 1 мөл.солк. Успуорт көрүҥнэригэр күрэхтэһии национальнай көрүҥнэргэ ыытыллыаҕа.
Ону сэргэ «Ыччат лидера», «Мисс уонна Мистер Табыс» диэн куонкурустар ыытыллыаҕа. Маны таһынан, бэстибээл үөрэтэр чааһыгар «Росмолодежь. Граннар» диэн бырагыраама чэрчитинэн сэминээр ыытыллыаҕа.
Бэлиэтээн суруйдахха, бүтэһик Табыс бэстибээл 2022 сыллаахха Бүлүү улууһугар ыытыллыбыта. Оччолорго Бүлүү улууһа 800 кыттааччыны көрсүбүтэ.
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…