Кэбээйигэ туризмы тэрийэр сыалтан тыа маһын сокуоннайа суох кэрдибиттэр

Кэбээйи улууһун борокуратуурата туристическай тэрилтэ салайааччытыгар сыһыаннаах холуобунай дьыалаҕа буруйдуур түмүгү бигэргэттэ. Кини РФ Холуобунай кодексатын 260-с ыстатыйатын 2-с чааһын «г» пуунунан буруйданар, диэн Саха сирин борокуратуурата иһитиннэрэр.

Силиэстийэнэн быһаарыллыбытынан, буруйданааччы бу сыл муус устар ыйыгар «Белянка» ураты харыстанар айылҕа территориятын эркээйи сиригэр баар сынньалаҥ баазатыгар туристическай сынньалаҥы тэрийэр сыалтан, тыа учаастагын үүнэн турар мастартан ыраастыыр баҕаттан, көҥүллүүр докумуоннара суох сир учаастагар киирэр суолу бульдозерынан оҥотторон, буору хоруттаран, 5,6 куб. миэтэрэ кээмэйдээх тыа маһын алдьаппыт. Буруйданааччы буруйун толору билиммит, тыа пуондатыгар оҥоһуллубут хоромньуну толуйбут. Холуобунай дьыала борокуруорунан  суут көрүүтүгэр ыытылынна.