Хаартыска: Полина Жергина тиксэриитэ.
Олунньу 14 күнүгэр Кэбээйи сэлиэнньэтигэр Надежда Софронеева кэриэһигэр «Большие танцы» улуустааҕы үҥкүү күрэхтэһиитэ буолла.
Тэрээһини Надежда бииргэ төрөөбүттэрэ, кыыһа, Култуура сайдыытын киинин үлэһиттэрэ, чуолаан дириэктэр Любовь Семенова, Надежда сиппэтэх санаатын, баҕарбыт баҕатын толорон алтыс төгүлүн ыыттылар.
Күрэхтэһии кыттааччылара иккилии үҥкүүнү толордулар. Сангаартан, Куокуйтан, Кэбээйи нэһилиэктэрин үҥкүү түмсүүлэрэ кытыннылар. Дьүүллүүр сүбэҕэ Надежда Романовна кыыһа Светлана Парфенова, бииргэ төрөөбүт балта Мария Данилова, Куокуй нэһилиэгин «Угуйаан» култуура киинин уус-уран салайааччыта Полина Борисова, «Дабаан» хаһыат сүрүн редактора Анна Ионова үлэлээтилэр.
Күрэхтэһии үрдүк таһымнаахтык ааста. Биһиги нэһилиэктэн «Луҥха долгуннара», «Нарыйа» үҥкүү түмсүүлэрэ кытыннылар (сал. Сардана Полятинская). «Луҥха долгуннара» 1 ст. Лауреат, «Нарыйа» 3 ст. лауреат буоллулар. Онон үҥкүүһүттэрбит үрдүк ситиһиилэринэн үөрэбит, астынабыт. Өссө да ситиһии чыпчааллара кэлэн турдуннар.
Бу үҥкүү кэрэ эйгэтин тэрийбит Надежда Романовна аймах-билэ дьонугар, КСК үлэһиттэригэр, кыттыбыт бары бөлөхтөргө, Кэбээйи сэлиэнньэтин олохтоохторугар махталбытын тиэрдэбит.
Полина Жергина, Куокуй нэһилиэгэ.
Кэргэним, аҕабыт, эһэбит Анисимов Семен Самсонович 1940 сыллаахха балаҕан ыйын 21 күнүгэр Мэҥэ-Хаҥалас 2 Наахара…
Түөкүттэр бытаарбыт сервистэри түргэтэтэр, интэриниэти уонна бобуллубут социальнай ситимнэри арыйар «анал бырагыраамалары» маассабайдык ыытан бардылар.…
Бэлимиэни элбэхтик сиир буоллахха ыйааһын эбиллиэн, киһи иһэн-үллэн хаалыан, сүрэххэ ноҕурууска улаатыан, ас буһарыыта кэһиллиэн …
Олунньу 15 күнүгэр биллэр режиссер уонна продюсер, СӨ Ускуустубатын үтүөлээх диэйэтэлэ Дмитрий Давыдов «Маут» диэн…
Эрдэҕэс саас диэн 12-17 саастаах оҕолору ааттыыллар. Сорохторго "подростковайдаабыт" дэнэр саастара эрдэлээн 12 саастарыттан саҕаланар.…
Билигин магнитнай буурҕалар үгүстүк түһэллэринэн, эдэр да саастаах дьон төбөлөрө сотору-сотору ыалдьыан сөп. Төбө ыарыытыгар…