Хаартыска: Татьяна Максимова-Лазарева тиксэриитэ.
Байыаннай дьайыы кэмигэр «мин дьыалам буолбатах» диэн туора туран хаалбыт киһи суоҕа чахчы.
Биллэр-көстөр көмөнү аһаҕастык да оҥорботор, наллаан, сэмээр көмөлөһөөччү элбэх. Онтон сорох дьон оннук биллибэттик көмө оҥороро табыллыбат курдук. Уопсастыбаннай түмсүүлэр, тэрилтэ үлэһиттэрэ барытыгар отчуоттууллара ирдэнэр. Ол сиэринэн биһиги түмсүүбүт тугу оҥорбутун куйаар ситимигэр таһаарара олох ирдэбилэ буолар.
Өрөспүүбүлүкэтээҕи «Дрон мастарыскыайа» аахсыйаҕа Кэбээйи нэһилиэгин олохтоохторун көҕүлээччинэн «Үтүө түгэн» үрүҥ көмүс волонтердар уопсастыбаннай түмсүүлэрэ уонна «Мичээр» оҕону сайыннарар киин буолла. Икки нэдиэлэ устата нэһилиэк олохтоохторо балачча элбэх туһатыттан тахсыбыт ноутбуктарыттан саҕалаан, суотабай төлөпүөн араас мааркатын аҕалан, «Мичээр» оҕону сайыннарар киин Калининнааҕы уһуйааныгар, олохтоох дьаһалта дьиэтигэр мустулар.
Бу туһатыттан ааспыт гаджеттары инженернэй сэриилэр антидроны оҥорорго туһаныахтара диэн кыра да көмөнү оҥорор баҕа санаалаах нэһилиэк олохтоохторо күргүөмүнэн кытыннылар.
Аахсыйаҕа көхтөөхтүк «Сахатранснефтегаз» тэрилтэ (дириэктэр С.К.Стручков), орто оскуолаттан «Волонтеры саха. Дети» бырайыак кыттыылаахтара 7 «б» кылаас (кылаас салайааччыта М.И. Зыкова) уонна 5 «а» кылаас үөрэнээччилэрэ (кылаас салайааччыта Т.О.Дьячковская) итиэннэ биирдиилээн оҕолор Винокуров Егор, Кобякова Маша, Кобяков Влад кыһаллан-мүһэллэн кытыннылар.
Итинник көҕүлээһин түмүгэр 4 дьааһык гаджеты бэлэмнээн, олохтоох дьаһалта баһылыгар И.И. Левиҥҥа туттардыбыт. Ону Илья Иванович дьаһалта наадатыгар куоракка бара таарыйа туһааннаах сиригэр илдьэн туттарда. Суоппар Иннокентий Кобяковка уонна аахсыйаҕа кыттыбыт нэһилиэкпит олохтоохторугар махталбыт улахан.
Аны тилэх баттаһа «Вяжем СВО-им» аахсыйа саҕаланна. Бу да аахсыйа көхтөөхтүк ыытылларыгар эрэнэбит.
Татьяна Максимова-Лазарева.
Үүнэр сылтан НДС уонна дьиэ-уот тарыыптара үрдүүллэр, МРОТ, биэнсийэ уонна тиийинэн олоруу алын кээмэйэ улаатар.…
Саҥа дьыл бырааһынньыгын көрсө, Дьокуускай куорат биир биллиилээх эрэстэрээнэ үгэс буолбут «Саҕынньахтаах селедка» салааты саха…
Омугуттан тутулуга суох бэйэ төрөөбүт тылын билии — олох сүрүн ирдэбилэ. Ааһа баран, элбэх тылы…
Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн…
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…