Кэбээйи улууһун дьаһалтатын пресс-сулууспата
Кэбээйи улууһун киинигэр 2026 сылга Олоҥхо Ыһыаҕар бэлэмнэнии үлэтэ саҕаланна. Алтынньы 30 күнүгэр нэһилиэнньэ мунньаҕа буолан, Олохтоох көҕүлээһиннэри өйүүр бырагыраамаҕа (ППМИ) кыттар туһунан боппуруоһу дьүүллэстилэр.
Мунньахха Кэбээйи сэлиэнньэтин олохтоохторо, тэрилтэлэр үлэһиттэрэ – бары биир сомоҕо санаанан түмсэн, кэлэр өрөспүүбүлүкэтээҕи ыһыахха бэлэмнэниигэ сүрүн бырайыагы быһаардылар. Мунньахха биир сүрүн боппуруос турда – ППМИ-2026 куонкуруһугар ханнык бырайыагынан кыттар сөбүн быһаарыы. Дьүүллэһии түмүгүнэн, мустубут дьон биир сомоҕонон Уһун Хонуу сиригэр-уотугар 2026 сыллааҕы Олоҥхо Ыһыаҕар хорчуоппа тутуутун бырайыагы өйөөтүлэр. Бу бырайыак Олоҥхо Ыһыаҕын кэмигэр өрөспүүбүлүкэ араас муннугуттан кэлэр үгүс ыалдьыттары сахалыы үгэһинэн, итии аһынан күндүлүүргэ улахан суолталааҕа бэлиэтэннэ.
Уһун Хонуу алааска туруоруллуохтаах хорчуоппа – улахан тэрээһини үрдүк таһымнаахтык ыытарга, ас-үөл бэлэмнииргэ табыгастаах усулуобуйаны тэрийиэҕэ.
«Олоҥхо Ыһыаҕа – биһиги улууспутугар уонна нэһилиэкпитигэр устуоруйаҕа киирэр улахан тэрээһин. Онон бары күүһү-уоҕу ууран бэлэмнэниэхтээхпит. Хорчуоппа курдук сүрүн эбийиэк тутуллуута – ыһыах биир кэскиллээх хайысхата. Олохтоохтор бары бу бырайыагы өйөөбүппүт, биһиги түмсүүлээхпитин, биир сыаллаахпытын көрдөрөр», – диэн мунньах кыттыылаахтара санааларын үллэһиннилэр. Олохтоох көҕүлээһиннэри өйүүр бырагыраама нэһилиэктэр бэйэлэрин олохторун-дьаһахтарын тупсарар, сайыннарар кыаҕы биэрэринэн, кэбээйилэр бу куонкуруска кыайыахтарыгар эрэллэрэ улахан. Онон Кэбээйи нэһилиэгэ Олоҥхо Ыһыаҕын көрсө саҥа, күүтүүлээх бырайыагынан ППМИ-2026 куонкуруһугар кыттыы ыларга докумуоннарын бэлэмниир үлэни саҕалыаҕа.
Бэҕэһээ социальнай ситимнэринэн Дьокуускай куорат ЯКСМК оройуонугар "пробкаҕа" тохтоон турар массыынаттан эр киһи тахсан, илиитигэр…
Ахсынньы 29 күнүгэр Хаандыга бөһүөлэгэр Томпотооҕу "Светлячок" социальнай реабилитационнай киин оҕолоругар Ил Түмэн дьокутаата Виктор…
Бүгүн сарсыарда "Бүлүү" федеральнай суол 764-с килэмиэтиригэр дьон эчэйиилээх массыына саахала буолла диэн СӨ Быыһыыр…
Соторутааҕыта Ил Дархан Айсен Николаев Кириэмил дыбарыаһыгар “Баҕа санаа харыйата” тэрээһиҥҥэ кыттыыны ылбыта. Бу туһунан…
Саха сиригэр ааспыт сууккаҕа түөрт буруйу оҥоруу буолбутун туһунан СӨ Борокуратуурата иһитиннэрэр. Амма улууһун Өнньүөс…
Таксыы, ОДьКХ төлөбүрдэрин, маркетплейстэртэн табаар сакаастааһыны куттала суох хайдах төлүүбүт? Баан каартатын дааннайдарын түөкүттэр туһамматтарын…