Хаартыска: Кэбээйи улууһун дьаһалтатыттан
Бэҕэһээҥҥиттэн Кэбээйи улууһугар СӨ Бырабыыталыстыбатын отчуота саҕаланна. Дьон отчуокка көхтөөхтүк кыттар, туруорсар да боппуруостара суолтаахтар.
Ол курдук, бэҕэһээҥҥиттэн отчуот Сайылыкка, Баҕадьаҕа, Арыылаахха буолла, бүгүн төрдүс нэһилиэгинэн Мастаахха тиийдилэр. Нэһилиэнньэ көхтөөхтүк кыттар диэн бэлиэтииллэр. Оробуочай бөлөҕү СӨ Баай-дуол уонна сир сыһыаннаһыыларын миниистирэ Павел Иванов салайар.
Кэбээйи улууһун баһылыга Иван Левин: “Отчуот кэмигэр турбут боппуруостары барытын боротокуолга киллэрдибит. Барыта оруннаах, дьон олоҕор сыһыаннаах боппуруостар. Сүнньүнэн суол уонна тыа хаһаайыстыбатын сайдыытыгар, былырыыҥҥы халаан уута мэһэйдээбит боппуруостарын туруорсаллар. Былырыын сайын Кэбээйи улууһугар уһуннук ардаабыта. Ол түмүгэр өрөспүүбүлүкэ суолталаах суолларбыт алдьанан, олохтоохтор сайыҥҥы өттүгэр айан суолун боппуруоһун күүскэ көтөҕөллөр. Аны элбэх сөҥүү түһэн, улуус үрдүнэн, уопсайа, 70-тан тахса бырыһыан оттуур сирбит ууга барбыта. Хойукка диэри оттоон, былааммытыттан 51 бырыһыанын эрэ ылбыппыт. Эбии оппутун атын улуустартан таһынан олоробут. Билигин даҕаны кыстык бүтэ илик, уустук. Манна дириҥ кэпсэтиилэр буоллулар”, — диэн кылгастык санаатын үллэһиннэ.
Бырабыыталыстыба отчуота олоҕурбут көрүҥүнэн барыыта дьаҥынан сибээстээн тохтуу сылдьыбыта, тэйиччиттэн көрүҥүнэн барбыттара. Этэргэ дылы, тыа сирин олохтоохторо тутан олорон туруорсары ахтыбыттар, көхтөөхтүк кытталлар.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…