Хаартыска: Татьяна Максимова-Лазарева тиксэриитэ.
Кэбээйитээҕи участковай балыыһа кэлэктиибэ (кылаабынай быраас З.С. Полятинская) нэһилиэккэ биир көхтөөх тэрилтэнэн биллэр.
Быйылгы хаарга үктэниэхтэриттэн, кинилэр бииртэн биир үтүө дьыалаҕа кыттыһан, быыстала суох волонтерскай үлэни ыыталлар.
Ол курдук кэлэктииби волонтерскай үлэҕэ көҕүлээччитинэн «Үтүө түгэн» түмсүүттэн Надежда Васильевна Обутова буолар. Кини чуолкай дьаһалынан эмчит идэлээхтэрбит байыаннай дьайыыга эмсэҕэлээн, госпитальга сытар уолаттарга атах, илии чохуолларын, гипсэлээх атахха кэтэргэ аналлаах таапачыка-наскылары, бэргэһэлэри быыстала суох баайан, Москваҕа ыытыллар баһыылкаларга биэрэ тураллар.
Аны бэҕэһээ эрэ олохтоох дьаһалта байыаннай дьайыыга ыытар гуманитарнай көмөтүгэр бу кэлэктиип кырата суох көмөтүн оҥордо. «Бэҕэһээ тэрилтэбитигэр дьиэбититтэн ас аҕалан бэрэски буһардыбыт. Онтукпут 5 дьааһык буолла, 360-н тахса бэрэскини буһардыбыт. Уонна сойутан, хаалыы охсон олохтоох дьаһалтаҕа туттардыбыт», — диэн Надежда Васильевна кэпсээтэ.
Кэбээйи нэһилиэгин тэрилтэлэригэр байыаннай дьайыыга кыттыспакка налыйан олорооччу суоҕун кэриэтэ. Бука бары биир үтүө санааны ыраланан түмсүүлээхтик иннибит диэки барабыт.
Татьяна Максимова-Лазарева
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…