Көбөкөҥҥө икки бөрөнү бултаатылар

Бэҕэһээ киэһэ Нам улууһун биллэр бөрөһүтэ, Бөтүҥ олохтооҕо Петр Кириллин үтүө сонуну кэпсээтэ. Ол курдук, бэҕэһээ Көбөкөҥҥө булчуттар түмсэн, “былаах ньыматынан” икки бөрөнү бултаабыттар.

— Ити түмсэн, икки бөрөнү бултаатыбыт. Көбөкөҥҥө. Атыыр уонна тыһы бөрөлөрү. Хата, төрөппөтүбүт, ууһаппатыбыт, тэниппэтибит диэн үөрдүбүт, — диир сорсуннаах булчут Петр Николаевич.

Быйыл кыһын Нам сиригэр-уотугар бөрө аҕыйах, суох да диэххэ сөп. Онон улуус үрдүнэн аҕыйах бултаммыт. Ол эрээри билигин атын улуустартан кэлэн, дьэ, биллэн эрэллэр эбит.  Быйыл Фрунзеҕа биир сылгыны тардыбыттара иһиллэр.

Хаартыска: П.Кириллин ыытта.