Кэбэргэнэҕэ түөрт эһэ нэһилиэккэ киирэн кутталы үөскэтэ сырытта

Бөлүүн түүн үөһүн саҕана Абый улууһун Кэбэргэнэ нэһилиэгэр түөрт хагдаҥ эһэ киирбитин туһунан аймалҕаннаах иһитиннэрии киирбит.

Абыйдааҕы судаарыстыбаннай экологическай кэтээн көрөр иниспиэксийэ исписэлиистэрэ РФ Айылҕа харыстабылын министиэристибэтин нэһилиэнньэҕэ кутталы үөскэтэр кыыл-сүөл ахсаанын бэрээдэктээһин туһунан 2011 сыл тохсунньу 13 күнүнээҕи 1 №-дээх дьаһалыгар олоҕуран суһал дьаһалы ыллылар.

Олохтоох булчуттар суһаллык хомуллан, чаас иһигэр эһэлэри төрдүөннэрин суох оҥордулар. Маннык суһал быһаарыныы ылыныллыбатаҕа буоллар, олохтоохторго куттал үөскүө этэ.

Булчуттар нэһилиэккэ киирбит адьырҕа кыыллары суһаллык өлөртөөннөр, олохтоохтор эмсэҕэлээбэтилэр. Исписэлиистэр этэллэринэн, маннык түбэлтэлэр дөрүн тахсаллар эрээри, дьон-сэргэ олорор сиригэр кутталы үөскэппэт туһуттан уталытыллыбат дьаһаллар ылыныллаллара сөптөөх @hotuhukyym суруйар.