Хаартыска: Жатай тиэхиньикумун пресс-сулууспата
Санкт-Петербург куоракка Жатай тиэхиньикумун устудьуона, Үөһээ Бүлүү Сурглууку нэһилиэгиттэн төрүттээх Айанаат Степанов «KEDRWELD-2025» диэн норуоттар икки ардыларынааҕы чөмпүйэнээккэ «Сборка корпусов металлических судов» компетенцияҕа кыайыылаах буолла уонна 800 тыһ. солк. суумалаах сэртипикээтинэн наҕараадаланна.
Айанаат Степанов уопуттаах утарсааччыларын, Санкт-Петербург, Архангельскай, Карелия, о.д.а эрэгийиэннэр ыччаттарын, кэннигэр хаалларан, Саха сирин устудьуоннара устар аалы баһылаан эрэллэрин көрдөрдө, диэн Жатай тиэхиньикумун пресс-сулууспата суруйар.
Чөмпүйэнээт Санкт-Петербург куоракка ыам ыйын 19-22 күннэригэр буолан ааспыт. Тэрийээччилэр «АВАНГАРД» хампаанньалар бөлөхтөрө — «КЕДР» профессиональнай сваркалыыр оборудованиены оҥорон таһаарааччы. Куонкурус бириистээх пуондата 5 мөл. солк.
«Эҥкилэ суох тэхиниичэскэй маастарыстыба, устар аалы оҥорууга профессионализм, атын эрэгийиэннэр утарсааччыларын баһыйыы, бэйэтин чаҕылхай кыайыытын иһин Айаал Степанов үөрэх тэрилтэтигэр оборудованиены атыылаһыыга 800 тыһ. солк. суумалаах сэртипикээт ылла. Эспиэр-уһуйааччыга Александр Афанасьевка көмөлөспүтүгэр ураты махтал. Жатай тиэхиньикума аан дойду таһымыгар конкуреннаһар кыахтаах исписэлиистэри бэлэмниирин дакаастаата. Бу Кыайыы ситиһии эрэ буолбакка, Саха сирин бүтүн профессиональнай үөрэхтээһиҥҥэ бэлиэ түгэн. Киэн туттабыт! Саҥа кыайыыны күүтэбит!», -диэн Жатай тиэхиньикумун пресс-сулууспата иһитиннэрэр.
СӨ Өрүс уҥуоргу силиэстийэлиир кэмитиэтин отдела хомуйбут дакаастабылларынан 37 саастаах эр киһи суутунан бириигэбэрэ таҕыста.…
Улуу Кыайыы 80 сыллаах үбүлүөйэ ньиргийэн ааста. Инним кылгаабыт, кэнним уһаабыт киһи быһыытынан, Саха сирин…
Хабаровскайга норуоттар икки ардыларынааҕы күрэхтэһии Василий Ощепков аатынан «Russian judo tour» турнир дзюдоҕа биир түһүмэҕэ…
Ньурба оройуоннааҕы суута «Якутскэнерго» ПАУо этиитинэн, олохтоох киһиттэн 135 772 солк. суумалаах төлөбүрдээх уоту счетчига…
Өймөкөөн улууһугар 1992 с. бастакы баһылыгынан Трифонов Анатолий Георгиевич ананан кэлбитэ. Депутатскай ГОК сүрүн инженеринэн…
Сахалар киэһэтин лыгыччы ынах эттээх күөс өрүнэн иһэрбитин сөбүлүүбүт. Ол эрээри, кэлин аһылыкка сыһыан, ирдэбил…