“Кэҕэ” киинэ “Одна шестая” бэстибээл “Бастыҥ операторскай үлэ иһин” наҕарааданы ылла

Саха сириттэн Евгений Николаев “Кэҕэ” киинэтэ бииртэн биир наҕарааданы ылан иһэр. Атырдьах ыйын 7 күнүгэр Екатеринбург куоракка ыытыллыбыт “Одна шестая” Евразия дебюттарын киинэ бэстибээллэригэр “Бастыҥ операторскай үлэ иһин” наҕарааданы тутта.

Киинэ операторынан Александр Красновскай буолар, бу иннинэ кини Дмитрий Давыдов “Сайын ырыалара” киинэтигэр үлэлээбитэ.

“Кэҕэ” мистическэй киинэ, сүрүн дьоруойа Аркадий төрөөбүт түөлбэтигэр төннөн, өбүгэлэрин уҥуохтарын саҥаттан тутар. Ол сылдьан аттыгар киһи баарын бэлиэтии көрөр, кини ынырыктаахай кистэлэҥи билэр буолан биэрэр.

Бэстибээлгэ  гран-прины “Тыал куората” Монголия киинэтэ ылла, диэн иһитиннэрэр СИА.