Хаартыска: киинэ каадыра
Киһини уолутар саамай кутталлаах киинэни саха режиссера уһулбут.
“Кэҕэ” саха киинэтэ «НСТ Хоррор Фест» триллер, кутталлаах киинэлэр IV аан дойдутааҕы бэстибээллэригэр кыайда. Киинэ кириитиктэрэ режиссер Евгений Николаев киинэтин бастыҥынан ааттаатылар. Ол туһунан “Цифровое Телевидение” медиахолдинг саайтыгар иһитиннэрдилэр.
Куонкурус бырагырааматыгар Арассыыйа, Ирландия, Австралия, Великобритания, Турция, Германия уонна АХШ киинэлэрэ киирбиттэрэ. Бэстибээл кыайыылаахтарын Москваҕа “Пять Звезд на Павелецкой” киинэ тыйаатырыгар алтынньы 13 күнүгэр биллэрдилэр.
Евгений Николаев “Кэҕэ” киинэтин кириитик Артем Ремизов саамай кутталлааҕынан аахта. “Көрө олордоххо эмискэ хайа эрэ түгэҥҥэ ынырык баҕайы буола түһэр. Мин саха киинэтин сөбүлүүбүн – онно мөлтөх киинэ суох”, — диэн кини бэлиэтээтэ.
Өссө биир кириитик Дмитрий Бортников “Кэҕэ” киинэни хоррор классикатыгар тэҥнээтэ: “Киинэ тылынан трагедия уонна сүтүк туһунан олус судургу устуоруйа көһүннэ. Биһиги бары көрөн улааппыт кутталлаах киинэлэрбитигэр маарынныыр”.
Бэстибээлгэ “Бастыҥ киинэ — көрөөччү талыыта” анал аакка Дэмиэн Маккарти “Астрал. Медиум” ирландскай киинэтэ кыайда. Анал бирииһи Джейк Джарви «Крик. Сезон призраков» уонна Бенджамин Барфурт «Заклятие: Реинкарнация отца» киинэлэрэ ыллылар. Ньиэмэс режиссера Марк Шолерманн «Кара» киинэтэ анал санатыыны ылла. Бастыҥ кылгас метражтаах киинэнэн Инга Сунагатуллина (Арассыыйа) “Дичь” киинэтэ буолла.
Ахсынньы 30 күнүгэр диэри «Дальний Восток-Земля приключений» Уһук Илиҥҥэ бастыҥ айаҥҥа Бүтүн Арассыыйатааҕы куонкурус дьүүллүр…
Успуорт уопсастыбаннаһа ХХ үйэ улуу тириэньэрэ Дмитрий Коркин аатынан норуоттар икки ардыларынааҕы турнир иннинэ үтүө…
Алтынньы 15 күнүгэр Арктикатааҕы култуура уонна ускуустуба судаарыстыбаннай института “АГИКИ креативнай индустрияҕа аччыгый академията” бырайыагынан…
Бүгүн Чурапчы нэһилиэгэр "Спортивнай" ТОС-ка 10 пусковой гаас пууна үөрүүлээх быһыыга-майгыга аһылынна. 2024 сылга саҕаламмыт…
Саха сирин тутууга миниистирэ Виктор Романов Мэҥэ Хаҥалас улууһун Аллараа Бэстээх бөһүөлэгэр култуура саҥа эбийиэгин…
Дьокуускай куоракка полиция үлэһиттэрэ суумкаттан харчы уорбутттарын арыйдылар диэн ИДьМ пресс-сулууспата иһитиннэрэр. Арассыыйа Ис Дьыалаҕа…