«Кэҕэ» саҥа киинэ сүрэхтэннэ

Ыам ыйын 8 күнүгэр «Кэҕэ» («Кукушка») диэн саҥа киинэ киэҥ экраҥҥа тахсыаҕа.

Режиссер — Евгений Николаев. Кини »Чума» киинэҕэ биир сүрүн оруолга оонньообута, бу режиссер быһыытынан бастакы холонуута буолар. Киинэни »Кинологистика» уонна »Амма» устуудьуйа устан таһаарбыттар.
Сүрүн оруолга Иван Шамаев оонньоото. Кини киинэ эйгэтигэр үлэлээбитэ ыраатта, бастаан »Крылья» киинэҕэ, сэрийээллэргэ уһуллубута, барыта отучча киинэҕэ үлэлэспитэ.

Сүрүн продюсер Анатолий Сергеев көмөтүнэн, »Кукушка» киинэ салгыы Арассыыйаҕа киинэ тыйаатырдарыгар көстүөҕэ.
Бу иннинэ »Кукушка» киинэ »Зеркало» норуоттар икки ардыларынааҕы бэстибээлгэ анал бирииһи ылбыта. Маны тэҥэ, »Одна шестая» норуоттар икки ардыларынааҕы киинэ бэстибээлигэр »Бастыҥ оператор үлэтэ» бирииһинэн бэлиэтэммитэ.
Бу хара-маҕан өҥнөөх, абааһылаах, мистическэй драма диэн жанрдаах киинэ. Үгүс саҥа-иҥэ суох. Саха үгэстэригэр олоҕурбут, таайтаран этиллэр бэлиэлэрдээх, уйулҕаны күүрдэр тыастаах-уустаах, киһини толкуйдатар киинэ.
Үгүстүк түннүк нөҥүө көрөн туралларын орто уонна $ анараа дойдулар быыстарын бэлиэтин курдук ылыныахха сөп.

Ангелина Васильева.
Ааптар түһэриитэ.