Көхтөөх, хамсаныылаах олох нэдиэлэтэ биллэрилиннэ

Доруобуйа харыстабылын Бүтүн аан дойдутааҕы тэрилтэтэ (ВОЗ) сүбэлииринэн,  нэдиэлэҕэ кырата 150 мүнүүтэ сөбүгэр соҕус эбэтэр 75 мүнүүтэ күүстээхтик хамсанарга сүбэлиир.

Ол туох суолталааҕый?

“Киһиэхэ хамсаныы-имсэнии тиийбэтэ үгүс ыарыы уонна эрдэ өлүү биир сүрүн төрүтүөнэн  буолар. Сөптөөхтүк хамсаммат, эти-сиини эрчийбэт дьон өлүүтэ, успуордунан көхтөөхтүк дьарыктанар дьону кытары тэҥнээтэххэ, 33% элбэх. Ону таһынан онкология ыарыылара үөскүүр кутталын улаатыннарар.

Онуоха булгуччу спортсмен буолар наадата суох. Сүрүнэ – куруук хамсана-имсэнэ сылдьыы, элбэхтик хаамыы. Көннөрү да хаамыы, ууга харбааһын, сүүрүү, үҥкүү, бэл, дьиэҕэ үлэлээһин – бу барыта биһиги доруобуйабытыгар туһалаах”, — диэн СӨ Доруобуйа харыстабылын министиэристибэтэ иһитиннэрэр.