Хаартыска: Туллук Вожжова тиксэриитэ.
Кэлиҥҥи сылларга араас кэмҥэ оскуоланы бүтэрбит дьон, ким ханнык улууска олороруттан тутулуга суох, оскуоланы бүтэрбит сылларынан уопсастыбаннай түмсүүлэри тэрийэллэр.
Кэрэхсэбиллээҕэ баар, бу түмсүүлэр үтүө дьыала аахсыйаларын ыытан, биир дойдулаахтарыгар күүс-көмө өйөбүл буолаллар. Биир оннук түмсүү үлэтин туһунан Капитоновкатааҕы кырдьаҕастар уонна инбэлииттэр дьиэлэрин үлэһитэ Туллук Вожжова маннык сырдатта:
— 1995-1999 сыллардаахха Саха сирин оскуолаларын бүтэрбит оҕолор, 2024 сылтан биир уопсастыбаннай түмсүүнү тэрийэн, араас аһымал аахсыйатын тэрийэбит. Выпустарынан олус көхтөөх, элбэх идиэйэлээх салайааччылардаахпыт: 1995 с. выпуск — Марианна Быгый, 1996 с. выпуск — Лена Григорьева, 1997 с. выпуск — Туллук Вожжова, 1998 с. выпуск — Рена Старостина, 1999 с. выпуск — Маша Эверстова.
Биһиги үлэбит хайысхата үгүс. Ол курдук, дойду хамсааһынын өйөөн, 2024 сыллаахха Дьиэ кэргэн сылын чэрчитинэн өрөспүүбүлүкэ араас муннуктарыгар инбэлиит уонна элбэх оҕолоох 10 дьиэ кэргэҥҥэ көмө оҥордубут. Быйыл Улуу Кыайыы 80 сылын чэрчитинэн үс бэтэрээҥҥэ көмө оҥордубут. Уопсай сүбэнэн биир дойдулаахтарбытыгар, саха дьонугар айылҕа иэдээнигэр түбэспит Өймөкөөн улууһун олохтоохторугар анаан өссө биир аһымал аахсыйаны — оҕо аһын ылан гуманитарнай көмөнү ыыппыппыт. Биһиги сүрүн девизпыт #УоннаХаһан диэн. Биир санаанан салайтаран, бары ыҥырыыбытын тута өйүүр, биир тэҥник тэҥҥэ хамсанан иһэллэриттэн доҕотторбор махталбын тиэрдэбин. Өрөспүүбүлүкэ араас улуустарыгар олорор үөлээннээхтэрбинэн киэн туттабын!
Бүгүн, тохсунньу 27 күнүгэр, өрөспүүбүлүкэ соҕуруу, илин, хотугулуу-илин өттүгэр, киин оройуоннарга сорох сиринэн кыралаан хаардыаҕа.…
Арассыыйа эрэгийиэннэринэн аккордеоннаах бэлисипиэтинэн айанньыт Клим Калужских Дьааҥы куоратыгар тиийбит. Бу туһунан ТАСС-ка айанньыт иһитиннэрдэ.…
Тохсунньу 28 күнүгэр олохтоох бириэмэнэн киэһэ 22:18 чааска «Восточнай» судаарыстыбаннай космодромтан «Союз-2.1б» аракыатаны көтүтүү былааннанар.…
Былырыын 5 тыһыынчаттан тахса киһи өрөспүүбүлүкэ килииникэлэригэр уустук эмтэниини ааспыт. “Национальнай бырайыактар көмөлөрүнэн тутуллубут уонна…
Индия Калькутта куоратын чугаһыгар эмтэммэт Нипах вируһа тарҕаммыта бэлиэтэннэ. Билигин биэс киһи ыалдьыбыт, сүүсчэкэ киһи…
Кыбартыыраҕа счетчик суох буоллаҕына тымныы ууга төлөбүр кээмэйэ икки бүк улаатыаҕа. Бу туһунан дойду бырабыыталыстыбатын…