«Кэйиктэ» резервакка дьиикэй кыыллары учуоттааһын ыытылынна

Олунньу 1-25 күннэригэр Биологическай ресурсалар дириэксийэлэрин иниспиэктэрдэрэ Өлүөхүмэ улууһугар «Кэйиктэ» ресурснай резервакка дьиикэй кыыллары учуоттуур үлэни уонна эриэйдэни оҥордулар.

Тэрээһин чэрчитинэн, биотехническай үлэлэр: дьиикэй кыыллар аһыыр сирдэрин саҥардыы, оту тэлгэтии, талахтары бэлэмнээһин ыытылынна. Дьиикэй кыыллары кыһыҥҥы маршрутунан учуоттааһыҥҥа «Кэйиктэҕэ» 273 км уһуннаах 28 карточка оҥоһуллубут. Ону таһынан уопсай туһаныллар сиргэ (716 км) 67 карточка оҥоһуллубут.
Эриэйдэ түмүгэр бултааһын быраабылатын кэһии иһин биир киһи тутулунна уонна биир карабин саа былдьанна.

Айылҕа харыстабылын уонна ойуур хаһаайыстыбатын министиэристибэтин пресс-сулууспата