Кэккэ оройуоннарга +35 кыраадыска диэри сылыйыаҕа

Бэс ыйын 24-29 күннэригэр кэккэ оройуоннарга салгын температурата  +30,+35° диэри сылыйара сабаҕаланар. Бу туһунан Cаха сиринээҕи күнү-дьылы кэтээн көрөр сулууспа иһитиннэрэр. 

Ол курдук, куйаас күн Өймөкөөн, Томпо, Муома, Кэбээйи, Үөһээ Дьааҥы, Үөһээ Халыма оройуоннарыгар туруоҕа.

Бэс ыйын 24-25 күннэригэр Өймөкөөҥҥө уонна бэс ыйын 25-26 күннэригэр Үөһээ Халымаҕа 4-с кылаастаах баһаартан сэрэхтээх буолуу эрэсиимэ бэлиэтэнэр. Үөһээ Дьааҥыга маннык эрэсиим 5-с кылааска диэри үрдүөн сөп.