Кэлэр 2026 сыллааҕы эксээмэннэр ыытыллар күннэрин бырайыагын таһаарбыттар

Нуорма-быраап аакталарын бырайыактарын федеральнай порталыгар 2026 сыллааҕы биир кэлим, сүрүн судаарыстыбаннай итиэннэ судаарыстыбаннай түмүктүүр эксээмэннэр хаһан ыытыллар күннэрин бырайыага тахсыбыт.

Бырайыакка олоҕуран, биир кэлим эксээмэн (ЕГЭ) сүрүн эксээмэннэр иннинээҕи түһүмэҕэ кулун тутар 20 күнүттэн муус устар 20 күнүгэр диэри былааннанар, сүрүн түһүмэх – бэс ыйын 1 күнүттэн от ыйын 9 күнүгэр, эбии түһүмэх – балаҕан ыйын 4-25 күннэригэр.

Сүрүн түһүмэх эксээмэннэрэ маннык күннэргэ ыытыллаллар:

Бэс ыйын 1 күнүгэр – устуоруйа, литэрэтиирэ, химия

Бэс ыйын 4 күнүгэр – нуучча тыла

Бэс ыйын 8 күнүгэр – математика (судургутутуллубут, уустугурдуллубут)

Бэс ыйын 11 күнүгэр – обществознание, физика

Бэс ыйын 15 күнүгэр – биология, география уонна омук тыллара (суругунан чааһа)

Бэс ыйын 18 уонна 19 күннэригэр – информатика, омук тыллара (тылынан чааһа)

Бэс ыйын 22-25 күннэригэр – бары биридимиэттэргэ эрэсиэрбэ күннэр

От ыйын 8 уонна 9 күннэригэр – биир биридимиэти хаттаан туттарыы.

9-с кылаастарга сүрүн судаарыстыбаннай эксээмэн (ОГЭ) эмиэ үс түһүмэххэ арахсар: сүрүн болдьох иннинээҕи  (муус устар 21 күнүттэн ыам ыйын 18 күнүгэр диэри), сүрүн түһүмэх (бэс ыйын 2 күнүттэн от ыйын 6 күнүгэр диэри) уонна эбии түһүмэх (балаҕан ыйын 3-25 күннэригэр).

Сүрүн түһүмэх маннык күннэргэ ыытыллара былааннанар:

Бэс ыйын 2 күнүгэр – математика

Бэс ыйын 6 күнүгэр – информатика уонна омук тыллара

Бэс ыйын 9 күнүгэр – нуучча тыла

Бэс ыйын 5, 16 уонна 19 күннэригэр – нуучча тылыттан, математикаттан ураты бары биридимиэттэргэ.

Бэс ыйын 29 күнүгэр – математикаҕа эрэсиэрбэ күнэ, от ыйын 2 күнүгэр – нуучча тылыгар, от ыйын 3 уонна 6 күннэригэр – нуучча тылыттан уонна математикаттан ураты бары биридимиэттэргэ.

 

Бирикээс бырайыагын уопсастыбаннай ырытыһыы алтынньы 31 күнүгэр диэри барар. Бу туһунан Үөрэҕи уонна билими кэтээн көрөр федеральнай сулууспа саайтыгар суруйаллар.