“Кэлэр кэм дипломата-2024” куонкурус муҥутуур кыайыылааҕынан Дьокуускай куорат 1-кы нүөмэрдээх оскуолатын үөрэнээччитэ буолла

Кулун тутар 12-13 күннэригэр Дьокуускай куораттааҕы 5-с нүөмэрдээх оскуолаҕа “Кэлэр кэм дипломата-2024” куонкурус түмүктүүр түһүмэҕэ буолан ааста. Түмүктүүр түһүмэххэ 54 үөрэнээччи кытынна, итинтэн 36 оҕо үрдүкү лигаҕа, 18 оҕо – кыраларга. Муҥутуур кыайыылааҕынан Дьокуускай куорат 1-кы нүөмэрдээх оскуолатын үөрэнээччитэ Эрхан Чехордун буолла. Киниэхэ Арассыыйа Тас дойдуларга дьыалаларын Дипломатическай академиятыгар үөрэххэ киирэр сэртипикээти туттардылар.

“Кэлэр кэм дипломата-2024” XVIII куонкурус түмүгэ

Кыра лигаҕа

1 истиэпэннээх дипломант — Сергей Третьяков, Орто Халыма улууһун Налимскай орто оскуолата,

2 истиэпэннээх дипломант — Нарыйа Васильева, Уус Алдан улууһун Суотту орто оскуолата,

3 истиэпэннээх дипломант — Кирилл Жирков, Мэҥэ Хаҥалас улууһун В.П. Ларионов аатынан Майа орто оскуолата.

Үрдүкү лигаҕа

1 истиэпэннээх дипломант — Федот Алексеев, Сунтаардааҕы политиэхиньиичэскэй лиссиэй-интэринээт,

2 истиэпэннээх дипломант — Тимур Герц, Дьокуускай куорат В.И. Кузьмин аатынан 30-с нүөмэрдээх оскуолата,

3 истиэпэннээх дипломант — Контогор-Егор Павлов, Арктикатааҕы норуоттар икки ардыларынааҕы оскуола.

Бу туһунан СИА иһитиннэрэр.