Хаартыска: sakha.gov.ru
«Кэлэр кэм кода: Оҥоһуу өй» кууруска сайаапкалары Госөҥөлөр билигин да ылаллар. Бу бырагыраама 8-11 кылаас оҕолоругар уонна колледж устудьуоннарыгар табыгастаах, онлайн форматынан оҥоһуу өйү туттар ньымаларга босхо үөрэнэр кыаҕы биэрэр. Үөрэтии «Экономика данных» национальнай бырайыак чэрчитинэн ыытыллар.
Бу бөлөххө 75000-тан тахса устудьуон бырайыакка кыттыан сөп. MФТИ, Москватааҕы программистар оскуолалара, Цифриум, Яндекс уонна 1T алта онлайн-куурустарыттан биирдэстэригэр суруйтарыахха сөп. «Кэлэр кэм кода: Оҥоһуу өй» куурустар бары алын таһымнаахтар уонна оҥоһуу өйү саҥа саҕалыыр дьоҥҥо сөп түбэһэллэр. Кыттааччылар дааннайдары ырытыы уонна массыынанан үөрэтии сүрүн өрүттэрин бэйэлэрэ баһылыахтара, оҥоһуу өй чат-боттары хайдах оҥорорго уонна Python тылынан программалыырга үөрэниэхтэрэ.
Хас биирдии куурус үс модультан турар уонна кырата 54 үөрэх чаастаах. Үөрэх бүтүннүү онлайн ньыманан тэтимнээхтик ыытыллар. Түмүк сыанабылы ситиһиилээхтик түмүктээбиттэрин кэннэ, үөрэнээччилэр бүтэрбиттэрин туһунан туоһу сурук ылыахтара.
Сайабылыанньаны Арассыыйа олохтоохторо — 8-11 кылаас оскуола оҕолоро уонна колледж устудьуоннара —биэриэхтэрин сөп. Сайабылыанньаны туспа эбэтэр Госөҥөлөр порталга төрөппүт/сокуоннай бэрэстэбиитэл нөҥүө биэриэххэ сөп. Сайабылыанньа көрүллүбүтүн кэннэ, үөрэх платформатыгар киирэргэ инструкция тус кэбиниэккэр ыытыллар, ол кэнниттэн тэрилтэни кытта дуогабар түһэрсиллэр.
Бырайыакка кыттыы олох босхо, үөрэтии судаарыстыба үбүлээһининэн ыытыллар, миэстэ ахсаана аҕыйах. Ол гынан баран 2022-2024 сылларга үөрэҕи бүтэрбит «Кэлэр кэм кода» бырайыак выпускниктара оҥоһуу өй сүрүн куурустарыгар хаттаан киирэр кыахтара суох — кинилэргэ «Кэлэр кэм кода» иһинэн идэлээх таһымнаах бырагыраамаларга эрэ киирэллэр.
Кыттыы ирдэбиллэрин, куурустар уонна таһымнар испииһэктэрин, киирии быраабылатын туһунан сиһилии информацияны Госөҥөлөр саайтка көрүөххэ сөп.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…