Ил Дархан Айсен Николаев анал байыаннай операцияҕа хомуур туһунан быһа эпиир кэмигэр санаатын эттэ. Кини этэринэн, Саха сиригэр бу нэдиэлэ ортотун диэки быстах хомуур бүтэрэ сабаҕаланар.
Сорох улуустар хомуур былаанын толорбуттар эбит. Түгэнинэн туһанан Айсен Николаев сымыйа сурах-садьык түргэнник тарҕанарын тоһоҕолоон бэлиэтээтэ. Холобура, хотугу улуустартан 10-чалыы, 20-чэлии киһи ыҥырыллыбытын эттэ. Саамай элбээбитэ Өймөкөөнтөн 30 киһи быстах хомуурга хомуллубут.
Айсен Николаев этэринэн, хомуурга алҕас быһыы-майгы тахсарыгар улуустарга анал байыаннай комиссар суоҕа, бүттүүн хомуур 80-ча сыл ыытыллыбатаҕа атахтаабыт.
– Арассыыйа үрдүнэн бу маннык улахан хомуур барбатаҕа 80-ча сыл буолла. Эрэгийиэннэргэ байыаннай комиссариаттар да аҕыйахтара үгүс боппуруоһу таһаарда. Холобур, Чурапчы, Үөһээ Бүлүү курдук тыа сирин улахан улуустарыгар байыаннай комиссариат анал үлэһитэ суох олорор. Эгэ, хотугу улуустарбытын этиэхпит дуо? Онон мобилизация бастакы күнүгэр ыарахаттары көрүстүбүт. Ол эрээри билигин бэрээдэк баран эрэр, хартыына чыҥха атын буолла. Билигин ыйааҕынан бастакы хомуурга ыйыллыбатах дьон 120-чэ киһи дьиэлэригэр төнүннүлэр. Ону таһынан, Саха сирин байыаннай комиссариатыттан 15 киһи сыыйылынна. Бу үлэ салгыы ыытыллыаҕа, – диэн иһитиннэрдэ Айсен Сергеевич.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…