Кэлэр нэдиэлэҕэ Дьокуускайга былыттаах уонна сөрүүн буолуоҕа

Киин куоракка кэлэр нэдиэлэҕэ синоптиктар былыттаах уонна сөрүүн буоларын билгэлээтилэр.

Дьокуускайдааҕы гидрометеосулууспа дааннайынан, ыам ыйын 13 күнүгэр былыта суох, түүн хотуттан сөкүүндэҕэ 3-8 м/с түргэннээх тыал түһэрэ сылыктанар. Салгын температурата 0 кыраадыска тиийэ түһэрэ күүтүллэр, күнүс +9+11С  диэри сылыйар.

Оптуорунньукка, ыам ыйын 14 күнүгэр, түүнүн былыттаах, сөҥүүтэ суох. Салгын температурата түүн  +1С диэри түһэр, күнүс +11С тиийэ сылыйар, былыттаах, киэһэтин халлаан былытах суох буолар.

Сэрэдэҕэ, ыам ыйын 15 күнүгэр, түүн салгын температурата +3С кыраадыс буолуоҕа, күнүс +12С диэри сылыйыа, сөҥүүтэ суох.

Чэппиэргэ, ыам ыйын 16 күнүгэр, түүн +3С, күнүс +9 кыраадыс буолуоҕа, былыттаах, сөҥүүтэ суох.

Бээтинсэҕэ, ыам ыйын 17 күнүгэр, түүн салгын температурата -1С диэри тымныйар, күнүс +9С, былыттаах, ол эрэн сөҥүүтэ суох буолуоҕа.