Кэлэр нэдиэлэҕэ гражданскай пуорум ыытыллыаҕа

Share

Дьокуускайга «Гражданскай уопсастыба: Кыайыы туһугар сомоҕолоһуу» диэн суолталаах пуорум балаҕан ыйын 9-10 күннэригэр ыытыллаары турар.

Манна бырабыыталыстыба уорганнарын, уопсастыбаннай тэрилтэлэр, үөрэх кыһаларын бэрэстэбиитэллэрэ уонна актыыбынай уопсастыбанньыктар түмсүөхтэрэ. Суолталаах тэрээһин Улуу Кыайыы 80 сылыгар, Арассыыйаҕа Аҕа дойдуну, Саха сиригэр Ийэ дойдуну көмүскээччи сылыгар ананыаҕа. Тэрээһин девиһэ «Бииргэ буоллахпытына — күүстээхпит!»

Кыттааччылар ыччаты патриотическай иитии, историческай өйдөбүлү үйэтитии, уопсастыбаҕа дьиэ кэргэн оруола уонна бэтэрээннэргэ уонна байыаннай дьайыы кыттыылаахтарыгар социальнай өйөбүл боппуруостарын ырытыахтара. Ордук болҕомто кэмиэрчэскэйэ суох салааны сайыннарыыга уонна уопсастыбаннай көҕүлээһиннэргэ саҥа кыахтары арыйыыга ууруллуоҕа.

Балаҕан ыйын 9 күнүгэр пуорумҥа оскуолаҕа киириэн иннинээҕи саастаах оҕолорго «Родничок» патриотическай иитии бырагырааматын туһунан сэминээр уонна өрөспүүбүлүкэҕэ олоххо киирэр бырайыактарга Ил Дархан граннарын пуондатыттан граннары ылар мэхэньиисими ырытыы буолуоҕа.

Балаҕан ыйын 10 күнүгэр биэс былааһааккаҕа үлэ салгыы барыаҕа. Сүрүн тиэмэлэртэн “Көлүөнэлэр эстэпиэтэлэрэ: духуобунас, дьулуур, эппиэтинэс”, олохтоох бэйэни салайыныы туһунан федеральнай сокуону дьүүллэһии уонна өрөспүүбүлүкэ улуустарын уонна куораттарын бастыҥ үөрүйэхтэригэр уопут атастаһыылара буолаллар.

Пуорум пленарнай мунньаҕынан түмүктэниэҕэ, онно дьүүллэһиилэр түмүктэрин таһааран бүтэһиктээх уураах ылыллыаҕа. Тэрийээччилэр пуорум судаарыстыба, уопсастыба уонна хас биирдии гражданин икки ардыларыгар өйдөбүнньүк үйэтитиигэ, дьиэ кэргэни өйөөһүҥҥэ уонна кэлэр көлүөнэлэри сайыннарыыга күүс-уох холбоһор диалог былаһаакката буолуоҕун бэлиэтииллэр.

Сиһилии https://www.sakha.gov.ru/news/11258 сигэнэн киирэн билсиэххэ сөп.

Recent Posts

  • Сонуннар
  • Уопсастыба

Саха сирин Ытык кырдьаҕаһа Федора Иванова 104 сааһын туолла

Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…

14 минут ago
  • Байыаннай эпэрээссийэ
  • Сонуннар
  • Уопсастыба

Байыастарга олунньу 23 күнүгэр анаан бэлэхтэри ыыттылар

Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…

45 минут ago
  • Быһылаан
  • Бэрээдэк
  • Сонуннар

Дьуһуурунай борокуруор: өлүктэр көһүннүлэр, харчыны уорбуттар…

Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…

1 час ago
  • Байыаннай эпэрээссийэ
  • Сонуннар
  • Сүрүн

Күн сылааһын уонна эйэни түстүүр аналлаах – «КүнЭйэ»

Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…

1 час ago
  • Байыаннай эпэрээссийэ
  • Сонуннар
  • Уопсастыба

Бүгүн — Аҕа дойду тас өттүгэр ытык иэстэрин толорбут интернационалист буойуттар күннэрэ

Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…

1 час ago
  • Култуура
  • Сонуннар

Ийэ тыл күнүгэр Өксүү кинигэтэ сүрэхтэннэ

Дьокуускай куорат "Арчы" духуобунай киинин үлэһитэ,  алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…

2 часа ago