Кэлэр нэдиэлэҕэ икки эрэ үлэ күнэ баар

2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ күүтэр. Бу туһунан ТАСС-ка Госдуума үлэҕэ кэмитиэтин чилиэнэ Екатерина Стенякина иһитиннэрбит.

Парламентарий иһитиннэрэринэн, сэрэдэҕэ, ахсынньы 31 күнүгэр өрүүбүт. Оттон 2026 сылга үлэ бастакы күнүнэн тохсунньу 12 күнэ буолар. Онон бырааһынньык күннэригэр 12 күн сынньанабыт.