Кэлэр нэдиэлэҕэ Сиргэ магнитнай буурҕалар түһэллэрэ күүтүллэр

Кэлэр нэдиэлэҕэ икки күн субуруччу магнитнай буурҕa түһэрэ күүтүллэр.

Бу туһунан ИКИ уонна ИСЗФ Күн астрономиятын лабораториятыгар сэрэттилэр. Сабаҕалааһынынан, геомагнитнай күүрүүлэр от ыйын 10 күнүгэр саҕаланыахтара уонна от ыйын 11-с күнүгэр диэри салҕаныахтара.

Ити кэнниттэн Сир магнитнай эйгэтэ уоскуйуо, оттон «от күөх» кыраапыктар от ыйын 14 күнүгэр төннүөхтэрэ.

Эбии магнитнай күүрүүлэр ый бүтүүтэ — от ыйын 22 уонна 23 күннэригэр буолуохтарын сөп. Буурҕа куһаҕан дьайыыларын сүрэх-тымыр уонна атын хроническай ыарыылардаах дьон билиэхтэрин сөп.

Быраастар бу күннэргэ эти-хааны ноҕоруускалыыры аччатарга, салгыҥҥа элбэхтик сылдьарга, үчүгэйдик утуйарга  сүбэлииллэр. Хроническай ыарыылаах буоллахха, ыарыы бэргээбэтин туһугар быраас анаабыт эмин иһэри умнуо суохха наада.