Бүгүн СӨ Успуордун уонна физическэй култууратын министиэристибэтэ кэлэр 2023 сыллааҕы физкултуура уонна успуорт тэрээһиннэрин былаанын бигэргэттэ.
Саха сирин уонна Арассыыйа физическэй култууратын хамсааһына тэриллибитэ 100 сылыгар сыллааҕы былааҥҥа успуорт маассабай 500 тэрээһинэ киирбитин туһунан министиэристибэҕэ иһитиннэрдилэр.
Былааны эрэгийиэннээҕи успуорт федерациялара, улуустар уонна Саха сирин успуордун министиэристибэтигэр киирэр тэрилтэлэр кыттыһан оҥорбуттар.
2023 сыллааҕы тэрээһин Чурапчыга Н.Н.Тарскай кэриэһигэр көҥүл тустууга Саха сирин чөмпүйэнээтиттэн саҕаланыаҕа. Араас көрүҥнэргэ, уопсайа, өрөспүүбүлүкэ 54 официальнай чөмпүйэнээтэ былааннаммыт.
Кэлэр сылга Саха сирэ көҥүл тустууга норуоттар икки ардыларынааҕы икки чөмпүйэнээти ыытыаҕа. Бөҕөстөр Саха АССР, РСФСР, ССРС үтүөлээх тириэньэрэ Дмитрий Петрович Коркин кэриэһигэр Гран-при көбүөрүгэр уонна Олимпиада чөмпүйүөнэ, успуорт үтүөлээх маастара, ССРС үтүөлээх тириэньэрэ Роман Михайлович Дмитриев кэриэһигэр оҕолор ортолоругар турнирга тахсыахтара.
Итини таһынан, Арассыыйа таһымнаах биэс күрэхтэһии буолуоҕа. Бу – Александр Крылов кэриэһигэр көҥүл тустууга турнир, биллиилээх снайпер Иван Кульбертинов бирииһигэр пневматическай буулдьанан ытыыга күрэхтэһии, үтүөлээх тириэньэр Н.Н.Кычкин кэриэһигэр 64 уонна 100 харахтаах дуобакка күрэхтэһии, Алдан куоракка биатлоҥҥа «Анна Богалий-SKIMiR кубогар Гран-при» уонна эр дьоҥҥо, дьахталларга хайыһарга күрэхтэһии.
Уһук Илин федеральнай уокуругун үс суолталаах турнира ыытыллыаҕа. Олор кэккэлэригэр остуол тиэнниһигэр биирдиилээн бастыыр иһин күрэхтэһии, Александр Иванов кэриэһигэр кикбоксиҥҥа чөмпүйэнээт уонна юниордарга көҥүл тустууга күрэхтэһии.
“Готов к труду и обороне” Бүтүн Арассыыйатааҕы физкултуура, успуорт комплексын иитинэн улуустарга киэҥ далааһыннаах тэрээһиннэр буолуохтара.
Ил Дархан уонна Бырабыыталыстыба пресс-сулууспата.
Хаартыска: “Мой спорт” айар бөлөх.
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…