Салгыы
До выборов президента РФ
00 дней
:
00 часов
:
00 минут
:
00 секунд
Кэлэр сылтан үүккэ, сүөһүгэ субсидия үрдүөҕэ

Кэлэр сылтан үүккэ, сүөһүгэ субсидия үрдүөҕэ

28.11.2023, 10:27
Хаартыска Мэҥэ Хаҥалас улууһун дьаһалтатын пресс-сулууспатыттан
Бөлөххө киир:

2024 сыл тохсунньу 1 күнүттэн үүккэ, сүөһү төбөтүгэр субсидия үрдүөҕэ. Бу туһунан Ил Дархан Айсен Николаев сэтинньи 28 күнүгэр «телеграм» ханаалыгар суруйда.

«Парламент уочараттаах пленарнай мунньаҕар бэлэмнэнэн, Ил Түмэн салалтатын уонна бырабыыталыстыбаны кытта көрсөн, өрөспүүбүлүкэ 2024 сыллааҕы бүддьүөтүн уонна 2025-2026 сыллардааҕы былааны кэпсэттибит.

Бүддьүөт бырайыага сүрүннээн социальнай хайысхалаах уонна бары эйгэни хабар. Норуот дьокутааттарыгар уонна, бастатан туран, бүддьүөт кэмитиэтин бэрэстэбиитэллэригэр улахан үлэни ыыппыттарыгар махтанабын.

Билиҥҥи уустук кэмҥэ тыа сирин өйүөххэ наада дии саныыбын. Ол иһин, кэлэр сыллааҕы бүддьүөттэргэ уларытыыны киллэрэр быһаарыныыны ылынабын:

— 2024 сыл тохсунньу 1 күнүттэн 1 киилэ үүт субсидиятын ыстаапкатын 60 солкуобайтан 65 солкуобайга диэри улаатыннарарга;

— кэтэх хаһаайыстыбалаах дьон сүөһүлэрин төбөтүгэр бэриллэр сууманы 37 тыһыынча солкуобайтан 39 тыһыынча солкуобайга диэри, Арктика улуустарыгар — 45 тыһыынча солкуобайга диэри улаатыннарарга;

— тыа хаһаайыстыбатыгар оҥорон таһаарааччылары атын да хайысхаларынан өйүүргэ (саха сүөһүтүн иитиигэ, аһы-үөлү оҥорон таһаарар тэрилтэлэргэ көмөлөһүү, о.д.а.) үбү-харчыны буларга.

Тыа хаһаайыстыбата — тыа сирин төрүтэ, онон салалта болҕомтотун үөһүгэр сылдьар», — диэн Айсен Николаев «телеграм» ханаалыгар суруйда.

+1
78
+1
17
+1
1
+1
1
+1
3
+1
4
+1
12
Бары сонуннар
Салгыы
26 февраля
  • -30°C
  • Ощущается: -30°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: