Хаартыска Мэҥэ Хаҥалас улууһун дьаһалтатын пресс-сулууспатыттан
2024 сыл тохсунньу 1 күнүттэн үүккэ, сүөһү төбөтүгэр субсидия үрдүөҕэ. Бу туһунан Ил Дархан Айсен Николаев сэтинньи 28 күнүгэр «телеграм» ханаалыгар суруйда.
«Парламент уочараттаах пленарнай мунньаҕар бэлэмнэнэн, Ил Түмэн салалтатын уонна бырабыыталыстыбаны кытта көрсөн, өрөспүүбүлүкэ 2024 сыллааҕы бүддьүөтүн уонна 2025-2026 сыллардааҕы былааны кэпсэттибит.
Бүддьүөт бырайыага сүрүннээн социальнай хайысхалаах уонна бары эйгэни хабар. Норуот дьокутааттарыгар уонна, бастатан туран, бүддьүөт кэмитиэтин бэрэстэбиитэллэригэр улахан үлэни ыыппыттарыгар махтанабын.
Билиҥҥи уустук кэмҥэ тыа сирин өйүөххэ наада дии саныыбын. Ол иһин, кэлэр сыллааҕы бүддьүөттэргэ уларытыыны киллэрэр быһаарыныыны ылынабын:
— 2024 сыл тохсунньу 1 күнүттэн 1 киилэ үүт субсидиятын ыстаапкатын 60 солкуобайтан 65 солкуобайга диэри улаатыннарарга;
— кэтэх хаһаайыстыбалаах дьон сүөһүлэрин төбөтүгэр бэриллэр сууманы 37 тыһыынча солкуобайтан 39 тыһыынча солкуобайга диэри, Арктика улуустарыгар — 45 тыһыынча солкуобайга диэри улаатыннарарга;
— тыа хаһаайыстыбатыгар оҥорон таһаарааччылары атын да хайысхаларынан өйүүргэ (саха сүөһүтүн иитиигэ, аһы-үөлү оҥорон таһаарар тэрилтэлэргэ көмөлөһүү, о.д.а.) үбү-харчыны буларга.
Тыа хаһаайыстыбата — тыа сирин төрүтэ, онон салалта болҕомтотун үөһүгэр сылдьар», — диэн Айсен Николаев «телеграм» ханаалыгар суруйда.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …