Хаартыска: Мария Васильева, СИА.
Муус устар 1 күнүттэн, сарсыарда 9 чаастан саҕалаан 1-кы кылааска киирэр оҕолоох төрөппүттэр сайабылыанньаны биэриэхтээхтэр. Сайабылыанньа “Госуслуги” портал нөҥүө бэриллэр (учуот суруга бигэргэммит буолуохтаах).
Быйылгы биир уратыта диэн, кулун тутар 20 күнүттэн ыла эрдэттэн сайабылыанньаны бэлэмнээн кэбиһиэххэ сөп. Муус устар 1 күнүгэр сарсыарда эрдэ бэлэм сайабылыанньаны түргэнник ыытан кэбиһэргэ табыгастаах.
Сайабылыанньаны тутуу 2 түһүмэҕинэн ыытыллар.
1-кы түһүмэх – 2023 сыл муус устар 1 күнүттэн бэс ыйын 30 күнүгэр диэри.
Бу оскуола баар оройуонугар бырапыыскалаах, бастакы уочарат, эбэтэр, уочарата суох киирэр бырааптаах оҕолорго сыһыаннаах.
2-с түһүмэх – от ыйын 6 күнүттэн баар миэстэ туолуор диэри (балаҕан ыйын 5 күнүттэн хойут буолуо суохтаах).
Оскуола сыһыарыллыбыт оройуонуттан атын сиргэ олорор оҕолорго сыһыаннаах. Ол эбэтэр, бу түһүмэх кэмигэр атын оскуолаларга сайабылыанньа биэриэххэ сөп. Бырапыыскалаах оройуонтан атын сиргэ баар оскуолаҕа сайабылыанньаны 2-с түһүмэх иннинэ ыыттахха, аккаас кэлэр.
Бастайааннай уонна быстах бырапыыскалаахтар бары биир тэҥ бырааптаахтар. Быраспыыската суох оҕолоох дьон сайабылыанньаларын от ыйын 6 күнүттэн биэрэллэр. Оҕо 14 сааһын туола илик буоллаҕына, төрөппүтүттэн атын сиргэ бырапыыскаланыа суохтаах.
Сиһилии Дьокуускай куорат дьаһалтатын үөрэххэ управлениетын саайтыттан https://yaguo.ru/node/788 билиэххэ сөп.
Үөрэх управлениетын төлөпүөннэрэ: 8(4112) 40-03-43, 8(4112)40-03-44.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…