Кэлэр нэдиэлэҕэ алта күн үлэлиэхпит

Сэтинньитээҕи бырааһынньыктары көрсө, алта күннээх үлэ нэдиэлэтэ күүтэр.

Судаарыстыбаннай Дуума Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин чилиэнэ, «Биир ньыгыл Арассыыйа» баартыйа бэрэстэбиитэлэ Светлана Бессараб ТАСС-ка иһитиннэрбитинэн, маннык кыраапык үлэ уонна сынньалаҥ кэмин табыгастаахтык аттарарга көмөлөһөр.

«Алтынньы ый бүтэһик нэдиэлэтэ алта күннээх буолуоҕа. Биһиги алтынньы 27 күнүттэн (бэнидиэнньиктэн) сэтинньи 1 күнүгэр (субуотаҕа) диэри үлэлиэхпит», — диэн дьокутаат чопчулаата. Ити кэнниттэн үс күн (сэтинньи 2, 3 уонна 4 күннэрэ, баскыһыанньаттан оптуорунньукка диэри) өрөбүл буолуохтара.

Сэтинньи 4 күнүгэр Арассыыйаҕа Норуот сомоҕолоһуутун күнэ бэлиэтэнэр. РФ Үлэтин кодексата сылга 14 бырааһынньык күнүн бигэргэтэр. Бырааһынньык өрөбүлгэ түбэстэҕинэ, өрөбүл күнү атын күҥҥэ көһөрүү көрүллэр. Бу сыл устата үлэ кэмин уонна сынньалаҥы тэҥнээн биэриини хааччыйар. 2025 сылга, урукку сыллар курдук, Арассыыйаҕа уопсайа 118 өрөбүл уонна бырааһынньык күнэ, ону тэҥэ 247 үлэ күнэ көрүллэр.