Кэллиэгэтин аатыттан сурук суруйан албыннаабыттар

Алдан оройуонугар олорор 54 саастаах дьахтары түөкүттэр албыннаабыттар.

Ол курдук, киниэхэ кэллиэгэтин аатыттан сурук суруйан 16 тыһ.солкуобайы көрдөөбүттэр. Дьахтар бастаан кэтэмэҕэйдээбит, ол эрээри баан сыһыарыыта үлэлээбэт буолбутун туһунан иһитиннэриигэ итэҕэйбит. Эмсэҕэлээччи дьахтар сөбүлэһэн харчыны ыыппыт. Сотору кэминэн, кэллиэгэтин кытта сирэй көрсөн баран түөкүттэргэ албыннаппытын биирдэ өйдөөбүт. Бу туһунан ИДьМ Алдан оройуонунааҕы салаатын пресс-сулууспата иһитиннэрдэ.

Полиция сэрэтэр: харчы ыытыах иннинэ иэс харчы көрдөөбүт киһигитин кытта кэпсэтиҥ, сирэй көрсүҥ. Маннык түгэҥҥэ хаһан да ыксаамаҥ диэн сүбэлииллэр.