Кэллиэгэтиттэн 200 тыһыынчаны солкуобайы уорбут

ИДьМ пресс-сулууспата иһитиннэрбитинэн,  Мииринэйгэ баахтанан үлэлиир эр киһи үҥсүү түһэрбит. Кини баан каартатыттан 200 тыһ. солк. сүппүт.

Суһал көрдөөһүн үлэ түмүгүнэн, холуобунай ирдэбил үлэһиттэрэ 39 саастаах Красноярскай кыраайтан төрүттээх уорбаланааччыны туппуттар. Онно биллибитинэн, эр дьон эрдэ бииргэ Мииринэйгэ үлэлии сылдьыбыттар. Уорбаланааччы кэллиэгэтин төлөпүөнүн кэпсэтээри уларсыбыт уонна мобильнай баан сыһыарыыга киирэн счеттан харчыны уорбут.

Уорбут харчытын дойдутугар Красноярскай кыраайга тиийэн баран тус наадаларыгар туттубут. Холуобунай ирдэбил үлэһиттэрэ кинини онно, дойдутугар туппуттар. Уорбаланааччыны төттөрү Мииринэйгэ аҕалбыттар.

Арассыыйа федерациятын холуобунай кодексатын 158 ыст.3 ч. «Уоруу» диэнинэн холуобунай дьыала тэриллибит.