Хаартыска: Полина Жергина тиксэриитэ.
Куокуйга «Угуйаан» култуура киинигэр Кэбээйи нэһилиэгин П.Д. Степанов аатынан кыраайы үөрэтэр түмэл иһинэн тэриллибит Зоя Яковлевна Сметанина салайааччылаах «Харыстаана» кэллиэксийэньиэрдэр түмсүүлэрин кытта көрүстүбүт.
«Харыстаана» түмсүү 2022 с. тэриллибит. Нэһилиэктэрин иһинэн ыытыллар араас тэрээһиннэргэ күүскэ кытталлар, өрөспүүбүлүкэҕэ эмиэ тахсыбыттар. Биһиэхэ кэлэн бэйэлэрин кэллиэксийэлэринэн быыстапка туруордулар, хас биирдиилэрэ хайдах хомуйбут устуоруйатын кэпсээтэ, быыһыгар оонньуу-боппуруос биэрэн да ыллылар. Оскуола оҕолоро бэркэ интэриэһиргээтилэр. Ол кэнниттэн төгүрүк остуол тула олорон кэпсэттибит, сүбэ-ама ыллыбыт.
Биһиги нэһилиэкпит дьоно эмиэ кэллиэксийэлэрин көрдөрүүгэ таһааран туруордулар. Ольга Ивановна Гуляева чуораанчыктары, Ираида Николаевна статуэткалары, Марина Обутова урукку аккырыыккалары, быысапка брошюркаларын, Тамара Семенова чорооннору, үрүҥ көмүс оҥоһуктары, сыл бэлиэлэрин, Ася Ивановна чорооннору муспутун, Евдокия Новгородова гжель сувенирдарын, Анисия Гуляева уруучука араас көрүҥнэрин, Анна Павлова үрүҥ көмүс нобуордарын, значоктары, Варвара Спиридонова значоктары, араас сыллар истиэнэ халандаардарын, истиэнэҕэ ыйанар араас омук сирдэрин тэриэлкэлэрин, Геннадий Васильевич хаартыскаларын, төрүччү оҥорбутун, сыл-хонук бэлиэлэрин, брошюркаларын быыстапкаҕа туруордулар.
Ыалдьыттарбытын нэһилиэкпит бэлиэ миэстэлэригэр: «Сибэкки биһикки» духуобунас искибиэригэр, «Өйдүүбүт, сүгүрүйэбит, махтанабыт» мемориальнай комплекска, Күбээдэккэ » Син биир этиэҕим сирдээҕи дьолу билэбин» мемориал комплекска, уо.д.а. бэлиэ сирдэргэ сырытыннардыбыт, кэпсээтибит. Бириэмэ аттарынан оскуолаҕа тахсан, Сардана Иннокентьевна оскуолатын көрдөрдө, үлэлэрин билиһиннэрдэ. Бэрт интэриэһинэй тэрээһин буолан ааста. Бу тэрээһин түмүгүнэн нэһилиэкпит кэллиэксийэньиэрдэрэ эмиэ түмсүү тэринэргэ, бииргэ үлэлэһэргэ быһаарынныбыт. «Харыстаана» түмсүү кыттыылаахтарыгар кэлэн ыалдьыттаабыттарын, сүбэлэрин-амаларын иһин барҕа махталбытын тиэрдэбит.
Полина Жергина,
Куокуй, Кэбээйи.
Хаартыска ааптар тиксэриитэ.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…