Кэллиэс устудьуоннара сахалыы ырыалар хомуурунньуктарын таһаардылар

Дьокуускайдааҕы технология уонна дизайн кэллиэһин устудьуоннара сахалыы ырыалар хомуурунньуктарын таһааран, байыаннай сулууспаҕа сылдьар биир дойдулаахтарыгар ыыттылар.

Ол курдук, ахсынньы 5 күнүгэр Дьокуускайдааҕы технология уонна дизайн кэллиэһин устудьуоннара «Дойдум ырыатын дорҕооно» диэн ааттаах сахалыы ырыалар, алгыс хомуурунньугун оҥорон “Якутия с тобой” диэн уопсастыбаннай хамсааһын ыстаабыгар тиэрдибиттэр.

Ырыанньык 200 ахсаанынан оҥоһуллан тахсыбыт. Маны сэргэ, “Социальнай үлэ” хайысхаҕа үөрэнэр устудьуоннар #МЫВМЕСТЕ диэн волонтердар ыстааптарыгар кыттыстылар. Билигин кинилэр көмө малы-салы дьаарыстааһыҥҥа үлэлэһэ сылдьаллар.