Андрей Сорокин хаартыскаҕа түһэриитэ
Өрөспүүбүлүкэ аҕа баһылыга Айсен Николаев бүгүн, атырдьах ыйын 1 күнүгэр, Ил Дархан уонна Бырабыыталыстыба дьаһалтатын кытта пленарнай мунньаҕы ыытта.
Айсен Николаев иһитиннэрбитинэн, Уһук Илиҥҥи кэллиэстэргэ федеральнай бүддьүөттэн аныгылыы мастарыскыайдары оҥорууга үп көрүллэр. Кини бу бырагыраамаҕа Саха сирин үөрэҕин тэрилтэлэрин мастарыскыайдарын оҥорууга уонна бу бырагыраамаҕа кыттыыларын хааччыйыыга сыһыаннаах боппуруостары ырытан оҥорорго сорудахтаата. Кини соторутааҕыта Бырабыыталыстыба хамыыһыйатын Президиума 17,8 млрд. солк. кэриҥэ суумалаах анал казначейскай кирэдьииттэри биэрэр буолбутугар Уһук Илиҥҥи Федеральнай уокурук эрэгийиэннэрин сайабылыанньалара бигэргэтиллибитин санатта.
Балартан 3,3 млрд. солкуобай Саха сиригэр Дьокуускай уонна Нерюнгри куораттар маастар-былааннарыгар ананар. Айсен Николаев бэлиэтииринэн, миллиард аҥаара солкуобай Нерюнгри балыыһатын сөргүтэргэ ыытыллыаҕа. Ону сэргэ Дьокуускайга 17-c кыбаарталга Спортивнай түөлбэ социальнай инфраструктуратын — уһуйаан уонна успуорт саалатын тутарга ыытыллыаҕа.
Былаан быһыытынан Дьокуускай куоракка уопсастыбаннай сирдэри чөлүгэр түһэриэхтэрэ. Ол курдук, Сайсары күөл биэрэгин тулатын, Р.М.Дмитриев аатынан куорат даамбатын тулатынааҕы биэрэги оҥоруохтара.
Ил Дархан үлэ ыытыллар болдьоҕо ыгымын иһитиннэрдэ. Үлэни толорууга сыһыарыылаах министиэристибэлэр, биэдэмистибэлэр тутуу уонна сөргүтүү үлэтигэр бары кыттыыны ылалларын иһитиннэрдэ.
Ил Дархан Дьокуускайга ХИФУ баазатыгар ыытылла турар «Сообщество» диэн эрэгийиэннээҕи пуорумҥа болҕомтону уурары эттэ. Кини пуорумҥа эспиэрдэр үлэлэригэр кыттыыны ыларын иһитиннэрдэ.
Ону сэргэ пленарнай мунньах кэмигэр хоту таһаҕаһы тиэйии, сүөһү эбии аһылыгын блэмнээһин, кыстыкка киирии, ойуур баһаардарын тула кэпсэттилэр.
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…