Хаартыска: pxhere.com
Бүтүн Арассыыйа үрдүнэн «Көлүөһэ үрдүгэр» эмтиэкэ бырагырааманы тарҕатыахтарын баҕараллар.
Бу бырагырааманан нэдиэлэҕэ биирдэ ыраах сытар уонна уустук суоллаах стационарнай эмтиэкэтэ уонна ФАП-тара суох дэриэбинэҕэ эбэтэр сэлиэнньэҕэ тиийэн эми-тому атыылыахтара. Сокуон барыла Судаарыстыбаннай Дуумаҕа 2025 сылга көрүллэрэ былааннанар.
Ыраах сытар уонна уустук суоллаах нэһилиэнньэлээх пууннарынан эми-тому атыылаһыы уустуктардаах. Ити сыалга ыарыһах оройуон киинигэр айанныырга күһэллэр эбэтэр кими эрэ көрдөһөргө соруһар. Сокуон ылыллар түгэнигэр эмтиэкэ үлэтэ регламеннаныа, холобур, нэдиэлэҕэ биирдэ бөдөҥ эмтиэкэ тэрилтэлэрэ дэриэбинэҕэ эбэтэр сэлиэнньэҕэ көһө сылдьар эмтиэкэни тэрийэн ыытыахтарын сөп.
Билигин атыы-эргиэн тэрийии боппуруостарын быһаараллар: сөптөөх салгын температуратын эрэһиимин хааччыйыы, ханнык эми-тому атыыланар кыах баарын үөрэтэллэр. Ол гынан билигин даҕаны элбэх чуолкайа суох балаһыанньалаах. Маны барытын Доруобуйа харыстабылын министиэристибэтин, Росздравнадзоры уонна эмтиэкэ ситимин кытта сөбүлэһиллэрэ наада. Сокуон барылын 2025 сылга дьүүллэһэллэрэ былааннанар.
Санатан эттэххэ, сэтинньи 12 күнүгэр дойду Бырабыыталыстыбатын уурааҕа күүһүгэр киирбитэ, онно сөп түбэһиннэрэн эмтиэкэтэ суох нэһилиэнньэлээх пууннар эми-тому атыылаһыҥҥа сөптөөх лицензия ылыахтарын сөп. Урут эми-тому тыа сиригэр атыылааһынынан амбулаториялар, фельдшерскэй-акушерскай пууннар уонна мэдиссиинэ туһааннаах салаалара эрэ туһаналлара. Ол курдук, итинник тэрилтэлэрэ суох дэриэбинэлэр олохтоохторо эми-тому туһанар кыахтара суоҕа.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…