Көмө, өйөбүл оҥоһуллар

Чурапчы улууһа байыастарга, кинилэр дьиэ кэргэннэригэр көмө, өйөбүл оҥоро олорор.

Чурапчы улууһа уонна нэһилиэктэрэ сулууспалыы сылдьар биир дойдулаахтарбытыгар, кинилэр дьиэ кэргэннэригэр биир бириэмэлээх көмөлөрү, өйөбүллэри оҥоробут. Улуус баһылыга Степан Саргыдаев ыҥырыытынан «Кыайыы» пуондата тэриллэн өйөбүлү ылбыта. Үп-харчы хомуйуута саҕаламмыта. Үөрэх тэрилтэлэриттэн, улуус, нэһилиэк дьаһалталарыттан, култуура тэрилтэлэриттэн, муниципальнай тэрилтэлэрэ, бааһынай хаһаайыстыбалар, биирдиилээн дьон, «Алаас ахтылҕана» тэрээһин тирэх буолаллар.

Үп барыта анал пуондаҕа киллэриллэр, хонтуруолланан ороскуоттанар. Байыаннай дьайыыга кытта сылдьар уолаттарбытыгар биир бириэмэлээх көмөҕө «Кыайыы» пуондатыттан өйөбүл оҥоһуллубута. Маны таһынан билиҥҥи бириэмэҕэ олус наадалаах квадрокоптедар, тепловизордар, оптическай прибордар, о.д.а. ылыллыбыттара. Нэһилиэктэринэн таҥас-сап, ас-үөл хомуллан тиэрдилиннэ. Байыастары улуус, нэһилиэктэр салалтарыттан тиийэн көрсүбүттэрэ.

Улуус салалтата дьонугар-сэргэтигэр бу оҥоһуллар көмө, өйөбүл иһин махтанар. Дьонноро-сэргэлэрэ дьиэлэригэр-уоттарыгар этэҥҥэ эргиллэн кэлэллэригэр эрэнэр.

Улуус дьаһалтатын пресс-киинэ.