Украинаҕа РФ байыаннай эпэрээссийэтэ саҕаланыаҕыттан ыла Өлүөхүмэ оройуонуттан быстах ыҥырыынан, хантарааҕынан, баҕа өттүнэн дойдубут судаарыстыбаннаһыгар, норуоттарыгар суоһаабыт кутталы туоратыыга сулууспалыы сылдьар буойуттарыгар уонна кинилэр дьиэ кэргэттэригэр ханнык көмөлөр оҥоһуллалларын тустарынан Өлүөхүмэ улууһун дьокутааттарын Сэбиэтин бэрэссэдээтэлэ Андрей Солдатов кэпсээтэ.
— Быстах ыҥырыынан сулууспалыыр буойуттарга уонна кинилэр дьиэ кэргэттэригэр биһиги улууспутугар оҥоһулла турар социальнай көмөлөр, чэпчэтиилэр манныктар:
Судаарыстыбаннай уонна муниципальнай бас билиигэ баар сир учаастагын түүлэһии иһин уонна түүлэһии дуогабарынан төлөммөтөх иэстэр төлөбүрдэриттэн буойун дьиэ кэргэнин босхолооһун; байыаннай сулууспалаах дьиэ кэргэнигэр биир кэмнээх матырыйаалынай көмө күн бүгүҥҥэ диэри бэриллэ турар. Байыаннай сулууспалаах дьиэ кэргэнигэр матырыйаалынай көмө быһыытынан 50 тыһ. солкуобай улуус баһылыгын саппааска пуондатыттан бэриллэр.
Ыам ыйын 20 күнүнээҕи түмүгүнэн байыаннай сулууспалаах оҕотун ахсаана 99 буолла. Онтон 56 оскуола саастаах, ол иһигэр 5 үөрэнээччи 9 уонна 11 кылаастар үөрэнээччилэрэ. Лааҕырга барыан баҕалаах оҕо – “Олимп” — 5 оҕо, «Росинкаҕа» – 17. Улуус баһылыгын дьаһалынан бу оҕолорго лааҕырга сынньаныыга путевкалар босхо бэриллэллэр.
Улуус дьаһалтатыттан хас биирдии саллаат дьиэ кэргэнигэр куратордар сыһыарыллан үлэлииллэр. Маннык ньыма түмүгэр дьиэ кэргэн уокка оттунар маһынан, иһэр уунан толору хааччылларыгар, дьиэни-уоту, хаһаайыстыбаны кыстыкка бэлэмнээһиҥҥэ улахан төһүүнэн буолбута. Нэһилиэктэр баһылыктара саллаат дьиэ кэргэнин болҕомто киинигэр ылан үлэлииллэр. Саллааттарбыт дьиэ кэргэттэрин өйүүр пуун кинилэргэ докумуоннарын толорууга, Гослуслуга порталынан туһаныыга көмөлөһөр. Саллаат дьиэ кэргэнэ оҕо саадыгар оҕону сырытыннарыы иһин төлөбүртэн босхоломмута. Итиэннэ улуус үөрэҕин тэрилтэлэригэр быстах ыҥырыынан сулууспалыыр саллааттар оҕолоро босхо аһынан хааччыллан сылдьаллар. Волонтердар корпустара көмөнү, өйөбүлү оҥорууга күүскэ үлэлии сылдьар.
Быстах ыҥырыынан, баҕа өттүнэн уонна хантарааҕынан сулууспалааччыларга, кинилэр дьиэ кэргэттэригэр көмөлөһүүгэ Өлүөхүмэ улууһугар, куоракка уонна нэһилиэктэргэ ити курдук араас көмө көрүҥнэрэ салгыы олохтонон, үлэлии тураллар.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…