СИА хаартыската
Кулун тутар 1 күнүттэн Арассыыйа Сэбилэниилээх күүстэрин кэккэтигэр байыаннай сулууспаҕа хантараак түһэрсэн, байыаннай эпэрээссийэҕэ кытта сылдьар дьоҥҥо Ил Дархан А.С.Николаев кулун тутар 31 күнүгэр өйөбүл эбии дьаһалларын олохтоото.
Ол курдук, байыаннай сулууспалаахха 150 000 солкуобайдаах биир кэмнээх төлөбүр оҥоһуллар. Маны сэргэ бу кулун тутар 1 күнүттэн хантарааҕынан сулууспалыыр киһиэхэ уонна кини дьиэ кэргэнин чилиэннэригэр Ил Дархан тус Ыйааҕынан байыаннай эпэрээссийэ кыттыылааҕар 2022 сыл балаҕан ыйын 25 күнүгэр олохтообут бары өйөбүллэрэ көрүллэллэр.
Ил Дархан Айсен Николаев олохтообут өйөбүлүн кэлим дьаһалларын быһыытынан Саха сириттэн байыаннай эпэрээссийэҕэ кытта сылдьар дьоҥҥо уонна кинилэр дьиэ кэргэттэригэр социальнай көмүскэл, үөрэхтээһин, доруобуйа харыстабылын, ОДьКХ, нолуоктааһын хайысхаларынан өйөбүл араас көрүҥнэрэ уонна элбэх кэккэ чэпчэтиилэр көрүллүбүттэрэ. Байыаннай сулууспалаахтарга биир кэмнээх харчынан өйөбүлү таһынан итинник биир кэмнээх төлөбүрдэр кинилэр дьиэ кэргэттэрин чилиэннэригэр көрүллэр. Маны тэҥэ оҕоҕо оскуолаҕа босхо аһылык, Саха сиригэр оҕо лааҕырдарыгар босхо путевка; уһуйааҥҥа оҕону сырытыннарыыга төрөппүт усунуоһуттан босхолооһун; бастаан үлэҕэ киириигэ босхо медицинскэй көрүү; оҕо саадыгар, лааҕырыгар, интэринээткэ киирии, санаторийга, курортка эмтэнии босхо; тырааныспары ыытыыга мэдиссиинэ чинчийиитин ааһыыга, сааны-сэби бас билиини, туһаныыны көҥүллээһиҥҥэ 50% — наах чэпчэтии курдук өйөбүл араас көрүҥнэрэ олохтонон үлэлии тураллар.
Байыаннай эпэрээссийэҕэ кыттар саллааттар оҕолоругар, холобур, үөрэхтээһин салаатыгар, ол аата тиэхиньикумнарга, кэллиэстэргэ уонна үрдүк үөрэх кыһаларыгар үөрэнэр устудьуоннарга, анал үрдүк истипиэндьийэлэр төлөнөллөр. Маны сэргэ байыас дьиэ кэргэнин оҕото дуогабардаах тус сыаллаах үөрэххэ араас идэлэри баһылыахтарын сөп: информационнай систиэмэлэр уонна программирование, гостиница дьыалата, уу суолун суудуналарын тэриллэрин уонна аптамаат сириэстибэлэрин үлэлэтии, ювелирнай дьыала, эрэкэлээмэ уонна уопсастыбаннаһы кытта сибээс, повар-кондитер, прикладной информатика, инфокоммуникационнай ситимнэр уонна сибээс систиэмэлэрэ, коммерция, гааһынан уонна уотунан иһэрдэн оҥоруу, нефтепереработка оператора, маркшейдерскай дьыала, фармация уо.д.а. курдук наадалаах идэлэри ылыахтарын сөп. Кинилэр бу дуогабардаах үөрэхтэрин бүтэрдилэр даҕаны предприятиеларга, араас тэрилтэлэргэ тута мэктиэлэммит үлэ миэстэтинэн хааччыллыахтаахтар. Онон СӨ Үөрэххэ уонна наукаҕа министиэристибэтин өттүттэн маннык былааннаах, толкуйдаммыт үлэлэр утумнаахтык ыытыллаллар. Атын да министиэристибэлэр хайысхаларынан бу курдук өйөбүл дьаһаллара олоххо киирэ тураллар.
Байыаннай эпэрээссийэ кыттыылаахтарыгар уонна кинилэр дьиэ кэргэттэригэр өйөбүл саҥа көрүҥнэрин олохтуурга Ил Дархан таһаарбыт Ыйааҕынан кинилэр судаарыстыба эбэтэр муниципальнай былаас бас билиитигэр баар сирдэрин учаастагын түүлэһии иһин төлөбүртэн итиэннэ манна баар иэстэриттэн, бас билии уонна сир нолуоктарыттан босхолоноллор. Маны тэҥэ кинилэр оҕолоругар улуустарга уопсастыбаннай тырааныспарга босхо айан, култуура, успуорт, эбии үөрэхтээһин тэрээһиннэригэр босхо сылдьыы уо.д.а. өйөбүллэр көрүллэллэр. Саҥа Ыйааҕы толорууга хас биирдии улуус муниципальнай тэриллиитин дьаһалталара кэккэ быһаарыылары ылынан эрэллэр.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…