Хаартыска: олохтоох дьаһалта пресс-киинэ.
Ньурба оройуонун Чуукаар нэһилиэгин олохтоохторо байыаннай эпэрээссийэ кыттыылаахтарыгар уонна кинилэр дьиэ кэргэттэригэр көмө оҥороллорун, түмсүүлээхтэрин, көхтөөхтөрүн туһунан нэһилиэк баһылыгын солбуйааччы Татьяна Николаевна Афанасьева кэпсиир.
— Биһиги Чуукаарбыт нэһилиэгин олохтоохторо байыаннай эпэрээссийэ саҕаланыаҕыттан ыла тута күүс-көмө буолар үлэлэргэ кыттан барбыттара. Ол курдук, араас тэрээһиннэргэ, үлэлэргэ, Арассыыйа, өрөспүүбүлүкэ ыытар аахсыйаларыгар көтүппэккэ кытта сылдьаллар. Тэрилтэлэринэн, олохтоохтортон байыаннайдар дьиэ кэргэттэригэр харчынан көмө хомуллубута. Маны таһынан улууспутугар баар байыаннайдары уонна кинилэр дьиэ кэргэттэрин өйүүр пуондаҕа көмө харчы утумнаахтык хомулла турар.
Эдэр ыччаппыт бу үтүө, аһымал дьыалаттан туора турбат. Оскуола оҕолоро уонна эдэр ыччаттар волонтер хамсааһынынан көмөлөрө улахан. Онон оҕолуун-улаханныын биһиги дьоммут байыаннай эпэрээссийэҕэ сылдьар буойуну суохтаппат курдук, дьиэ кэргэттэригэр от-мас тиэйэн киллэриигэ, бородууктанан хааччыйыыга, култуурунай тэрээһиннэргэ босхо сырытыннарыыга, кыстыыр оттук мастарын бэлэмнээн, дьиэлэрин таһыгар киллэрэн биэриигэ түмсүүлээхтэрин көрдөрдүлэр. Бу – улахан биһирэбиллээх уонна киһи үөрэр хамсааһына.
Оттон кэрэ аҥаардарбыт түмсүүлэрэ Сахабыт сирин байыаннай дьайыыга сылдьар буойуттарыгар наадалаах тэриллэри, харысхаллары бэлэмнээһиҥҥэ, анал таҥаһы-сабы тигиигэ туох да элбэх үлэни ыыттылар.
Нэһилиэкпит олохтоохторо үтүө дьыалаҕа өрүү даҕаны олус көхтөөхтөр, түмсүүлээхтэр диэн биһиги өрүү киэн тутта кэпсиибит.
Байыаннай дьайыы саҕаланыаҕыттан “Якутия с тобой” диэн өрөспүүбүлүкэтээҕи ыстаап үлэтин саҕалаабыта. Билигин ыстаап бэрэссэдээтэлинэн Анна…
Тулагы-Киллэм нэһилиэгэр өрөгөйдөөх Кыайыыны уһансыбыттар сырдык ааттарын үйэтитэр өйдөбүнньүк пааматынньыгы үөрүүлээхтик арыйыы буолла. Төрөөбүт дойдутун…
Өрөспүүбүлүкэҕэ буруйу оҥоруу уон түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга…
Помудуору олордуох иннинэ, арассаадаҕа икки-үс хонукка уу куппаппыт, оччоҕуна умнаһа сымныыр, ону буорга эрийэ тутан…
Үөрэх уонна билим миниистирин бастакы солбуйааччы Михаил Присяжнай үөрэххэ туттарсааччыларга анаан үгэс быһыытынан быһа эпииргэ…
Күн-дьыл туруга бу күннэргэ хайдаҕый? Өрөспүүбүлүкэ арҕаа өттүгэр кыралаан ардыыр, соҕуруу диэки сорох сиринэн ардах…