Хаартыска: Марианна Сивцева тиксэриитэ.
Олунньуга Кэбээйи улууһун Сииттэ нэһилиэгин олохтоохторо байыаннай дьайыыга сылдьар биир дойдулаахтарбытыгар анаан, 100 тыһыынча солк. суумалаах улахан көмөнү оҥорон олоробут.
Ол курдук, куулунан соболору, үтүө санаа аахсыйатын тэрийэн минньигэс ас арааһын, суунар-соттор тэриллэри, ону таһынан ичигэс таҥастары, ол иһигэр үтүлүктэри, наскылары, бэргэһэлэри, онтон да атын наадалаах маллары хомуйан, уон дьааһыкка уган барарга бэлэмнээн туруорабыт.
Нэһилиэкпитигэр улахан аһымал кэнсиэр буолан ааспыта. Кэнсиэрпитигэр уонна аахсыйабытыгар барыта 25000 солк. харчы киирбитэ. Көмө харчыбытын уталыппакка, анал счекка уктубут. Көмөбүт манан эрэ бүппэт — «Чуораанчык» уһуйаан иитиллээччилэрэ (сэб. Ольга Александрова), Сииттэ орто оскуолатын үөрэнээччилэрэ (дир. Андрей Новгородов) Аҕа дойдуну көмүскээччилэр күннэринэн эҕэрдэ суруктарын, уруһуйдарын бэлэх гынан биир дойдулаахтарыгар ыыттылар.
Дьэ, ити курдук, сииттэлэр уолаттарга көмөбүтүн билигин да ыһыктыбакка ыыта олоробут. Бу күннэргэ көмөбүтүн баһылыкпыт Семен Тимофеев анал пууҥҥа илдьэн туттарыаҕа. Кыайыы түстэнэрин туһугар сылайбакка сииттэлэр үлэлииргэ-хамсыырга бэлэммит.
Марианна Сивцева.
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…