Хаартыска: СИА.
«Хаандыга бөһүөлэгэ» муниципальнай тэриллии дьокутааттарын Сэбиэтин бэрэссэдээтэлэ, Томпо оройуонун байыаннай эпэрээссийэҕэ сылдьар буойуттарыгар уонна кинилэр дьиэ кэргэттэригэр көмөнү оҥорор штаб чилиэнэ Кристина Курочкина буойуттарга уонна кинилэр дьиэ кэргэттэригэр оҥоһуллар көмөлөр, өйөбүл дьаһалларын тустарынан кэпсээтэ.
— Томпо оройуонугар улуус баһылыгын Я.И. Степанов дьаһалынан байыаннай эпэрээссийэҕэ кытта сылдьар буойуттарга уонна кинилэр дьиэ кэргэттэригэр көмөнү оҥорууга улахан үлэлэр бара тураллар. Улуус олохтоохторо, нэһилиэнньэтэ бүтүннүүтэ бу үлэни өйүүр буолан, байыаннай дьайыыга кыттар биир дойдулаахтарбытыгар көмөлөһүү тиһигин быспат. Бөһүөлэкпит баһылыга П.В. Новгородов өйөбүлү оҥорууга ылыллыбыт дьаһалларынан ыытыллар көмөнү олоххо киллэриини үлэтин биир сүрүн хайысхатын быһыытынан ааҕар. Онон баһылык таһаарбыт уурааҕын, кэккэ дьаһалларын олоххо киллэриигэ бары бүттүүн үлэлии сылдьабыт.
Ол курдук, байыаннай эпэрээссийэҕэ кытта сылдьар буойуттарга уонна кинилэр дьиэ кэргэттэригэр уопсастыбаннай тырааныспарга босхо айан, бөһүөлэккэ ыытыллар тэрээһиннэргэ босхо сылдьыы, сир учаастагын туһаныы иһин арыанда төлөбүрүттэн босхолооһун көрүллэр, бааһырбыт саллаакка матырыйаалынай көмө, байыаннай эпэрээссийэҕэ кытта сылдьан олохтон туорааһын түбэлтэтигэр кини дьиэ кэргэнигэр матырыйаалынай көмө оҥоһуллаллар.
Олохтоох дьаһалта уонна дьокутааттар буойуттар дьиэ кэргэттэригэр сылдьан, буойуттар дьоннорун кытта көрсөн, туох көмө эрэйиллэрин, олоҕу-дьаһаҕы билсэ тураллар. Ол түмүгэр дьиэ кэргэни уокка оттор маһынан хааччыйыыттан саҕалаан уу уонна канализация ситимнэрин өрөмүөнүгэр, юрист өйөбүлүгэр тиийэ араас өйөбүл баар. Кылгас уоппускаҕа кэлэр буойуттары кытта көрсүһүүлэр истиҥ-иһирэх быһыыга-майгыга тэриллэллэр, кинилэри байыаннай дьайыыга наадалаах квадрокоптер, тепловизор курдук, эбии анал тэриллэринэн хааччыйыыга нэһилиэнньэ куруук кыттар.
Бөһүөлэкпитигэр ыытыллар аһымал аахсыйалартан, кэнсиэртэртэн, дьаарбаҥкалартан, үбү хомуйууттан уо.д.а. ким да туора турбат. Көҕүлүүр дьон тэрээһининэн, Донбасс олохтоохторугар гуманитарнай көмө пууна аһыллан үлэлиир. Саллааттар ийэлэрин көҕүлээһининэн «Спецназ» бөлөх үлэлиир. Бөлөххө буойуттарга наадалаах таҥаһы-сабы бэлэмнииллэр.
Дьокутааттар СӨ Борокуратууратыгар биир буойуммут олох-дьаһах, хомунаалынай өҥө төлөбүрүн боппуруоһун быһаарыыга көрдөһүү түһэрбиппит. Маны сэргэ дьокутааттар саллааттар оҕолоругар анаан ыытыллар аһымал аахсыйаларга көхтөөхтүк кыттаннар, кинилэри үөрдэр бэлэхтэри бэлэмнээн туттараллар.
Хаандыгалар бука бары биир дойдулаах уолаттарбытынан киэн туттабыт уонна кинилэр байыаннай дьайыыттан кыайыы аргыстаах этэҥҥэ эргиллэллэригэр олус баҕарабыт!
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…