Көмөлөһө кэлбит дьону итии аһылыгынан хааччыйаллар

Ханна баҕарар ыксаллаах балаһыанньа буолла да, бастакылар кэккэлэригэр волонтердар кэлэллэр.

«Сибилигин Нам улууһун Модут нэһилиэгэр бөһүөлэги чөлүгэр түһэриигэ улахан үлэ бара турар. Ол курдук, улуустааҕы А.Ф. Шестаков аатынан Норуот айымньытын дьиэтин үлэһиттэрэ ууттан эмсэҕэлээбит уонна чөлүгэр түһэриигэ көмөлөһө кэлбит волонтердары, ПВР-га быстах кэмҥэ олорбут бар дьоммутун итии аһылыгынан хааччыйарга күүс-көмө буола сылдьаллар, — диэн иһитиннэрэр Модут нэһилиэгин олохтооҕо Мария Ивановна Шапошникова. — И.С. Охлопков аатынан култуура дьиэтин коллектива кэлбит гуманитарнай көмөнү тута дьоммутугар-сэргэбитигэр тыыран туттара олороллор. Ситинник хайа баҕарар үлэҕэ бары биир сомоҕо буолан үлэлии сылдьабыт».