Хаартыска: Васильева Александра түһэриитэ.
Ньурба улууһуттан, Күндээдэ нэһилиэгин «Күндээдэ» АУо тэрилтэтин генеральнай дириэктэрэ Александр Прокопьевич Алексеев нэһилиэк олохтоохторо Бэрэсидьиэн Владимир Владимирович Путин байыаннай сулууспалаахтары өйүүр дьаһалын олоххо киллэрии тула түмсэн, биир санаанан буойуттарбытыгар, кинилэр дьонноругар көмө-тирэх буола олоробут диэн хаһыат саайтын ааҕааччыларыгар кэпсээтэ.
— Күндээдэ нэһилиэгиттэн үс уол байыаннай эпэрээссийэ саҕаланыаҕыттан инники кирбиигэ бойобуой дьайыыларга кытта сылдьаллар. Манна эбии икки уолбут атын сиртэн барбыттара эрээри, дьонноро Күндээдэҕэ олороллор. Онон кыахпыт баарынан тэрилтэлэр, уопсастыбаннай түмсүүлэр, биирдиилээн дьон көмөлөһө турабыт. Ким уолаттарга таҥас-сап тигэн, дьонноругар отторун, мастарын, муустарын тиэйэн, дьиэ ис-тас үлэтигэр да буоллун, олох туора турбаппыт. Биһигиттэн байыаннай сулууспаҕа барбыт Зедгенидзев Анатолий, Дмитриев Ньургун, Федоров Эдуард байыаннай дьайыыга кытта сылдьаллар. «Күндээдэ» АУо тэрилтэбит хас биирдии уолаттар дьонноругар этинэн көмө оҥорбута. Уолаттарбытын өйөөммүт кинилэр дьонноругар көмөҕө барытыгар кыттыыбыт — манна олорор дьон ытык иэспит дии саныыбын.
Биһиги уолбут Зедгенидзев Анатолий билигин госпитальга бааһыран эмтэнэ сытар. Ийэтэ уолун көрө-истэ барарыгар «Туску» НАДь дьиэтин үлэһиттэрэ соторутааҕыта Күндээдэҕэ буолан ааспыт «Кубок Поршня» өрөспүүбүлүкэтээҕи «Хаар айан» күрэхтэн киирбит үбү тэрийээччи Анатолий Петров байыаннай сулууспалаах ийэтигэр Мария Николаевнаҕа туттарда.
Дойдубут Бэрэсидьиэнэ Владимир Путин хас биирдии байыаннай сулууспалаах 14 күн дьиэтигэр баран кэлэригэр уоппуска биэриҥ диэн уураах таһаарбыта. Онно барар-кэлэр айаннарын күнэ киирбэт буолбута үчүгэй. Онон ити бэриллибит хонуктар кинилэр дойдуларын, дьоннорун сылаас тыыныгар ахтылҕаннарын таһааран, күүс-уох эбинэллэригэр улахан суолталаахтар дии саныыбын.
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэтигэр сылы түмүктүүр тэрээһин буолан ааста –…
Кэлиҥҥи сылларга киин куоракка уонна улуустарга уопсастыбаннай сирдэр тупсаҕай оҥоһуулаах буолбуттарын Ил Дархан бүгүҥҥү Ил…
Арассыыйаҕа “Оҕо сүрүн ырыалара” айар бырайыак күүскэ сайдар. Бэрэсидьиэн култуура көҕүлээһиннэригэр пуондатын өйөбүлүнэн Кыайыы мусуойа…
“Сахафильм” киинэ хампаанньа салайааччыта Алексей Егоров култуура, патриотизм туһунан санаатын үллэстэр: -Ил Дархан бүгүн Ил…